اسلام آباد۔ 25 فروری (اے پی پی) قطری سفیر وزیر خارجہ شاہ محمود قریشی ءِ 29 فروری آ دوحہ ٹی امریکہ طالبان امن معاہدہ غا دستخط نا دود اٹی بشخ ہلنگ نا سلہ خلکونے۔ وزارت خارجہ نا کنڈآن سے شنبے نادے آ جاری بیان نا رداٹ وزیر خارجہ شاہ محمود قریشی تون قطری سفیر صقر بن مبارک دفترخارجہ ٹی اوڑدہی کرے ہراٹی او وزیر خارجہ ءِ دوحہ ٹی امریکہ طالبان امن معاہدہ غا دستخط نا دود اٹی قطری ڈپٹی وزیراعظم و وزیر خارجہ جناب شیخ محمد بن عبدالرحمان الثانی نا کنڈآں ن بشخ ہلنگ نا سلہ خلک۔ قطری سفیر وزیر خارجہ شاہ محمود قریشی ءِ خصوصی سلہ نامہ اس پیش کرے۔ وزیر خارجہ شاہ محمود قریشی داوخت آ گپ و تران کرسا پارے کہ پاکستان، امریکہ طالبان معاہدہ نا بابت پڑونا خیرمقدم ءِ کیک۔ پاکستان نا مدام موقف مسنے کہ اوغان تنازع نا ہچ ءُ فوجی ایسری اس اف۔ اوپارے کہ اوغان مفاہمتی عمل ءِ مون آ دننگ اٹ پاکستان و قطرانا کلیدی کڑد اسے۔ اینو دنیا پاکستان نا موقف ءِ امنا کننگ ءِ۔ پاکستان پراومیت ءِ کہ امن معاہدہ غا دستخط انٹرااوغان مذاکرات نا کنڈآ دیک۔
