اسلام آباد۔ 25 فروری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ امریکی صدر ڈونلڈ ٹرمپ نا بھارت اٹ پاکستان تون سنگتی نا درشانی اسہ بھلو پیش رفت اسے، بھارت اٹی ٹرمپ انا دہشت گردی نا برخلاف ننا مثبت کڑد ءِ امنا کننگ آن بھارتی بیانیہ دفن مس۔ ٹرمپ انا بیان امن اکن ننا کوشست آتا شاہدی اسے، مودی ڈیہہ و بھارت اٹی خار، تعصب و جنگ انا خاخر ءِ بش کننگ نا جاگہ غا سنگتی نا کلہو و اونا طاقت ءِ پہہ مرے۔ سے شنبے نادے آ تینا ٹویٹ اٹی اوپارے کہ امریکی صدر نا ساڑی گری ٹی شہریت بل آ برانز کروک آتیا بہیمانہ بیدادی مچ آ دنیا ءِ حقیقت آن معلومدار کننگ ءِ، دنیا خناکہ تعصب، انتہاپسندی و جنگی گنوکی نا ذہنی ناجوڑی ٹی دیر اختہ ءِ۔ اوپارے کہ وزیراعظم عمران خان نا کماشی ٹی پاکستان نا دروشم گچین مننگ ءِ، دنیا نا علاقائی و جہانی امن کن ننا کوشست آتا امنا پاکستان نا سرسہب خارجہ پالیسی نا درشانی ءِ۔ کشمیر نا ویل اسہ مسلمہ ءُ حقیقت اسے، اومیت ءِ صدر ٹرمپ کشمیر نا ویل آ ضرور ہیت کیک۔ اوپارے کہ امریکی صدر نا ساڑی گری ٹی شہریت بل آ برانز کروک آتیا بہیمانہ بیدادی مچ آ دنیا ءِ حقیقت آن معلومدار کننگ ءِ۔
