گلگت۔ 25 فروری (اے پی پی) گورنر گلگت بلتستان راجہ جلال حسین مقپون تون عمائدین شگری کلان نا ڈل پنی آ عالم دین شیخ رحیم اللہ حیدری نا کماشی ٹی گورنر ہاؤس سکردو ٹی اوڑدہی کریر۔ ڈل اٹی شیخ رحیم اللہ حیدری تون اوار حاجی شفیق راشد، علی محمد ذاکری و ایلو سرکڑدہ غاک ہم اوار ئسر۔ ڈل علاقائی ویل آتیان گورنر ءِ معلومدار کریر۔ اوڑدہی ٹی گورنر 250 کٹ ہسپتال کن ڈغار تننگ آ عمائدین شگری کلان نا منت واری ءِ ہرفے و پارے کہ ہسپتال کن اولیت ہندا ڈغار مریک انتئے کہ شگری کلان مچ آ سکردو کن بے کچ جوان و خڑک انگا ہند ءِ و داڑے ہچ ءُ تنازعہ اس اف اوڈل اتون گپ و تران کرسا پارے کہ ننا مسخت علاقہ نا جوڑ جاڑ و شونداری کن بے پرخ کاریم کننگ ءِ۔ عمائدین شگری کلان گورنرءِ قومی فائدہ غاتا ڈٹ آتے ٹی کمکاری نا باوری کرفیر۔
