اسلام آباد۔ 25 فروری (اے پی پی) سرکاری اسکیم نا رداٹ حج 2020 ء کن درخواست آتا ہلنگ نا عمل بناکرینے، اینخو نا سال اسہ لکھ 79 ہزار 210 پاکستانی سرکاری و پرائیویٹ اسکیم تا رداٹ حج انا فرض ءِ ادا کیرہ۔ سے شنبے نادے آ وزارت مذہبی امور نا کنڈآن درخواست آتا ہلنگ کن جاری کروک پوسکن آشیڈول نا رداٹ غٹ قومی بینک آک درخواست آتا ہلنگ نا عمل نا بناءِ کرینو۔ درخواست آتا ہلنگ 6مارچ اسکان برجاسلک۔ قومی بینک حج درخواست آتا ہلنگ نا عمل ءِ ہفتہ و یک شنبے نادے آ ہم برجاتخک۔ سرکاری اسکیم نا رداٹ اسہ لکھ 7ہزار 526 درخواست گزار آتا گچین کاریءِ قرعہ اندازی نا کمک اٹ کننگک۔ حج پالیسی نا رداٹ 70 سال آن زیات وئی رسیدہ بندغ آتے کن 10 ہزار نا کوٹہ جتا کننگانے۔
