اسلام آباد ۔ 24 فروری (اے پی پی) مزن وزیر عمران خان ءَ پنت ءُُ شون کت کہ ملک ءَ سیل ءُُ سواد ءِ دیمروئی ءِ واستہ آیوکیں شش ہپتگ آنی تہ ءَ وژن ماسٹ پلان جوڑ کنگ بہ بیت ءُُ آیوکیں ما ہ آنی تہ ءَ گوریچانی دمگ آنی تہ ءَ سیل ءُُ سواد ءِ رد ءَ ایشانی آسراتی ءِ واستہ پیشوکی منصوبگ بندی ءُُ انتظامی کنگ بہ بیت ۔ اے پنت ءُُ شون آئی ءَ ملک ءَ ایٹماسپئر دوستیں سیل ءُُ سواد ءِ دیمروئی ءِ ھوالگ ءَ دیوان ءِ سروکی ءَ کنان ءَ کت ۔ دیوان ءَ مشیر برائے ایٹماسپئیر ملک امین اسلم، سروزیر خیبر پختونخواہ محمود خان، ھاسیں کمکار سید ذوالفقار عباس بخاری، ھاسیں کمکار ڈاکٹر فردوس عاشق اعوان، چیف سیکرٹری خیبرپختونخواہ ، کلانہ ایں اپسرگ ءُُ جوڑیشت ءِ شوبگ ءَ گوں سیادی داروکیں کلانہ آں بھر زوری کت ۔ دیوان ءَ صوبہ خیبر پختونخواہ، صوبہ پنجاپ ءُُ ملک ءِ سیم سر ئی دمگ آنی تہ ءَ سیل ءُُ سواد ءِ دیمروئی، گلگت بلتستان ءُُ گوریچانی دمگ آنی تہ ءَ سیل ءُُ سواد ءَ را ارزشتی دلگوش دیگ اے دمگ آنی کوھنیں ماڑی آنی رکھینگ ءُُ سمبھینگ ءِ ھوالگ ءَ سرجم ءُُ برج میں رنگ ءَ چار ءُُ بچار کنگ بوت ۔ مزن وزیر ءَ را گوشگ بوت کہ صوبہ خیبر پختونخوا ءَ سیل ءُُ سواد ءِ ھوالگ ءَ زوننگ ءِ سر ءَ کار سرجم کنگ بوتگ ۔
