ڈاکٹر ثمینہ وقار ءِ وزارت ءِ جھلی ادارگ آنی تہ ءَ ازمت لاءک ءِ ستا ءُُ نوکیں اپسرگ آنی واستہ نوکیں در انت
آئی ءِ ازمت مدام جوانیں تران آں گوں یات کنگ بنت
سیکرٹری ا ھوالکاری ءُُ شنگ کاری اکبر حسین درانی ءِ ڈی جی ریڈیو ڈاکٹر ثمینہ وقار ءِ شرپ ءَ برو پہ ھیری مراگش ءَ گشتانک
اسلام آباد ۔ 24 فروری (اے پی پی) بنجاھی وزیر سیکرٹری برائے اھوالکاری ءُُ شنگ کاری اکبر حسین درانی ءَ گوشت کہ ڈی جی پاکستان براڈ کاسٹنگ کارپوریشن (ریڈیو پاکستان) ڈاکٹر ثمینہ وقار ءِ وزارت ءِ اھوالکاری ءُُ شنگ کاری ءُُ ایشی ءِ جھلی ادارگ آنی تہ ءَ ازمت لاءک ءِ ستا انت ءُُ ایشانی تجروبت نوکیں آیوکیں اپسرگ آنی واستہ نوکیں در انت، آئی ءِ ریٹائرمنٹ ءَ چہ پد ءِ زندمان ءِ کامیات بوھگ ءِ واستہ نیکیں واھگ ءُُ واھشت آنی درشان ءَ کنان ءَ ڈاکٹر ثمینہ وقار ءِ ازمت مُدام گوں جوانیں دانک آں یات کنگ بنت ۔ اے ھیالانی درشانی آئی ءَ دو شمبے ءَ وتی کارگس ءَ ریڈیو پاکستان ءِ ڈائریکٹر جنرل ڈاکٹر ثمینہ وقار ءِ ریٹائرمنٹ ءِ موہ ءَ آئی ءِ شرپ ءَ برجم داشتگیں بروپہ ھیری دیوان ءَ گشتانک دیان ءَ کت ۔ مراگش ءَ وزارت ءِ اھوالکاری ءِ ایڈیشنل سیکرٹری محمد ظہور برلاس، راجی ھال رسانکی ادارگ ’’اے پی پی‘‘ ءِ مینیجنگ ڈائریکٹر طارق محمود خان، پرنسپل انفارمیشن آفیسر محمد طاہر حسن، پاکستان ٹیلی ویژن ءِ ایم ڈی ،وزارت ءِ ایندگر کلانہ ایں اپسرگ ءُُ پبلک ریلیشن ءِ کلانہ ایں اپسرگ آں بھر زوری کت ۔ سیکرٹری اھوالکاری ءَ گوشت کہ ڈاکٹر ثمینہ وقار ءَ وتی مزدگری ءِ ساھت ءَ وزارت ءِ جتا جتائیں شوبگ آں ازمت آں ابید جتا جتائیں سرکاری ادارگ ءُُ ڈن ملک ءَ پاکستانی سفارتی مشنز آنی تہ ءَ وتی پرز پیلو کتگ انت، آئی ءِ ازمت آناں مدام گوں جوانیں دانک آں یات کنگ بیت ۔ سیکرٹری اھوالکاری ءَ نوکیں آیوکیں انفارمیشن اپسرگ ءَ را دلگوش کنان ءَ گوشت کہ ڈاکٹر ثمینہ وقار ءِ ازمت ءُُ کزبی تجروبت شمے ھاترا نوکیں در انت ۔ زندمان ءِ تہ ءَ جوانیں رھشون ءِ ملگ یک دادے ءَ چہ کمتر نہ انت ۔ اکبر حسین درانی ءَ ڈاکٹر ثمینہ وقار ءِ کار ءِ ھوالگ ءَ ھم وتی تجروبت آناں شریکیں مردم آنی دیم ءَ تل پچ کت انت ۔ آئیءَ گوشت کہ جان سلامتی زندمان ءِ تہ ءَ یک ٹوھیں داد ات ءُُ ما ڈاکٹر ثمینہ وقار ءِ واستہ آئی ءِ ریٹائرمنٹ ءَ چہ پد جان سلامت بوھگ ءِ واستہ دعا ءِ نیک کنوک آں ۔
