زرّ ءَ آدیم نندوکیں پاکستانی ملک ءَ سرمایہ کاری ءِ واھشت ایگ انت، سرمایہ کار آناں موہ پجارینگ ءُُ آسانی پیداک کنگ حکومت ءِ اولی ترجی انت، بنجاھی وزیر علی حیدر زیدی

اسلام آباد ۔ 24 فروری (اے پی پی) بنجاھی وزیر زرّئی کار علی حیدر زیدی ءَ گوشت کہ زرّ ءَ آدیم پاکستانی ملک ءَ سرمایہ کاری ءِ واھشت ایگ انت، سرمایہ کار آناں موہ دیگ ءُُ آسانی پیداک کنگ حکومت ءِ اولی ترجی داتگیں کار آنی تہ ءَ ھوار انت ۔ اے ھیالانی درشانی آئی ءَ مڈی آنی نیلامی ءِ چار ءُُ تپاس گرگ ءِ واستہ وزارت آنی وت ومہ وت نزیکی ءَ را مھکم دارگ ءِ ھوالگ ءَ جوڑ کتگیں کمیٹی ءِ سروکی ءَ کنان ءَ کت ۔ دویان ءَ مزن وزیر ءَ ھاسیں کمکار زرّ ءَ آدیم نندوکیں پاکستانی سید ذولفقار بخاری ءُُ بنجاھی وزیر برائے پرائیویٹائزیشن محمد میاں سومرو ءَ بھر زوری کت ۔ آئی ءَ گوشت کہ پرائم لوکیشن ءِ مڈی ملک ءَ ہوٹل بزنس ءِ واستہ لیز ءِ سر ءَ دیگ ءَ چہ سیل ءُُ سواد ءَ دیمروئی رسیت ۔ آئی ءَ گوشت کہ مڈی آں چہ آمدنی ءَ ھوار نوکری آنی موہ ھم پیداک بنت ۔