اسلام آباد۔ 24 فروری (اے پی پی)لہتیں مکاتب فکر ءِ عالم ءَ اے گپے سرا تپاکی کتگ کہ کرونا وائرس ءِ جاورھال ءِ چماں ایران ءِ سفر ءَ را کم ءَ چہ کم کنگ بیت، علماء کرام وتی خطبات ءُُ مجالس، واعظ و اعزاء ھاسکر نماز جمعہ ءِ میڈھ ءِ تہ کرونا وائرس ءِ نادراھی ءِ ھوالہ چہ مہلوک ءِ سرپدی ءِ ھاترا شرعی راھبنداں را ملحوظ خاطر ایر کنان ءَ وتی کرد ءَ ادا کن انت۔ وزارت مذہبی امور ءِ تہ دوشمبے ءَ وزیر مذہبی امور ءِ سروکی ءَ برجمیں دیوان ءِ پدا یکجاھیں جارانک ءِ جار جنان ءَ وزیر مذہبی امور پیر نورالحق قادری ءَ گوشت کہ وزارت مذہبی امور ءِ تہ لہتیں مکاتب فکر ءِ عالم ءَ،مشائخ،کوئٹہ ءِ تہ زائرین کمیٹی،فقہ جعفریہءِ نماھندگءُُ وفاق المدارس ءَ گوں سیادی داروکیں عالمانی ھوار مزن وزیر ءِ ھاسیں کمکاربرائے جان سلامتی ڈاکٹر ظفر مرزا ایران ءِ تہ کرونا وائرس ءِ جاورھال ءِ چارءُُ تپاس کتگ۔آہاں گوشت کہ ہمساھگ ملکانی تہ کرونا وائرس ءِ خوفناک جاورھال تالان بوھگ انت مہ وتی مردماں را ھاسکر ایران ءِ سفر ءِ سرا روکیں زائرین ءَ را سرپدی دیگ لوٹگ اوں۔دیوانءِ تہ دراھیں معاملہانی سرا چارءُُ بچار کنگ بوتگ۔آہاں گوشت کہ حکومت زائرین سرا بندش ءَ مہ جنئگ انت،ھاسیں وھد ءُُ پاس ءِ وڈءَ ایران ءِ سفرءَ را کم چہ کم کنگ بیت۔ علماء کرام، مشائخ عظام ءُُ خطباء مجالس واعظ و اعزاء ءِ تہ اے شرعی بستار ءِ باروا مردماں را سرپد کن ایت۔آہاں گوشت کہ اے وباء ءِ آماچ بوتگیں وتی ہمساھگ ملک چین ءُُ ایران ءَ گوں پج انت،آہانی اخلاقی،سیاسی ءُُ سفارتی پلہ مرزی مئے فرض انت۔مہ ایرانی واکدارءَ گوں سئے روچ ءَ چہ رھوت ءِ تہ انت،ھداوند کریم کنت کہ زوت ءَ زوت اے وباء ءُُ مصیبت ءِ سرا گرودار آرگ بیت۔
