وزیراعظم عمران خان نا کماشی ٹی دیوان اٹی بجلی نا نہاد آتے ٹی کمتی نا سلاہ تیا سجفنگا
اسلام آباد۔ 24 فروری (اے پی پی) وزیراعظم عمران خان پارینے کہ توانائی نا بشخ ملکی زرگزران نا شونداری ٹی کلیدی اہمیت تخک، صارف و صنعت آتے جوان نہاد آ بجلی نا فراوانی، توانائی نا بشخ اٹی اصلاحات حکومت نا اولیت ءِ، مستین نا حکومت آتا کنڈآن کروک آ معاہدہ، وخت آ انتظامی اصلاحات آتے پد پشت تخنگ آن توانائی نا بشخ اٹی چندی چیلنج آک مون تروک ءُ ہرافتا بھاریم الس ءِ سگوئی تمنگ ءِ، الس نا مشکل آتا جوانی اٹ انداز ہ ءِ و حکومت نا داکوشست ءِ کہ بجلی نا نہاد آتے ٹی سوگوی ءِ پک کننگے و ہراتسکان مننگ کرے الس ءِ ریلیف فراوان کننگے۔ داخیال آتا درشانی ءِ او دوشنبے نادے آ بجلی نا نہاد آتے ٹی ممکنہ کمتی اتنگ نا بابت آن تینا کماشی ٹی دیوان آن تران کرسا کرے۔ دیوان اٹی بنجائی وزیر ڈٹ بندی اسد عمر، بنجائی وزیر توانائی عمر ایوب، بنجائی وزیر بحری امور سید علی حیدر زیدی، وزیراعظم نا سلاہکار خزانہ ڈاکٹر عبدالحفیظ شیخ، وزیراعظم نا خصوصی کمکار ندیم بابر، تعلقدار بنجائی سیکرٹری و ایلو سینئر آفیسر آک ساڑی ئسر۔ دیوان اٹی بجلی نا نہاد آتے ٹی ممکنہ کمتی اتنگ نا بابت چندی سلاہ تیا سجفنگا۔ دیوان آن تران کرسا وزیراعظم پارے کہ توانائی نا بشخ ملکی زرگزران نا شونداری ٹی کلیدی اہمیت تخک۔ صارف و صنعت آتے جوان نہاد آ بجلی نا فراوانی، توانائی نا بشخ اٹی اصلاحات و داٹی مروک آ نسخان تا مون ءِ توننگ حکومت نا اولیت ءِ۔ اوپارے کہ مستین نا حکومت آتا کنڈآن کروک آ معاہدہ، وخت آ انتظامی اصلاحات آتے پد پشت تخنگ و ترسیل و تقسیم نا بشخ اٹی مروک آ نسخان تے گوجالنگ آن توانائی نا بشخ اٹی اینو چندی چیلنج آک مون تروک ءُ و دانا مچ آ بھاریم ءِ الس ءِ سگوئی تمنگ ءِ۔ اوپارے کہ حکومت اسٹ آن مسہ سد یونٹ اسکان کاریم اٹ اتوک آ صارف و نزور تپہ غاتے ممکنہ حد اسکان ریلیف فراوان کننگ ءِ ولے اوفتے الس نا مشکل آتا جوانی اٹ اندازہ ءِ و حکومت نا دا کوشست ءِ کہ بجلی نا نہاد آتے ٹی سوگوی ءِ پک کننگے و ہراتسکان مننگ کرے الس ءِ ریلیف فراوان کننگے۔
