کروناوائرس اسہ جہانی ءُ چیلنج اس مسنے، ویل انا مون ءِ توننگ کن غٹ ءِ اواری اٹ کوشست کروئی مریک
اسلام آباد۔ 24 فروری(اے پی پی) چیئرمین سینیٹ محمد صادق سنجرانی پارینے کہ چین ءِ کرونا وائرس نا سوب مون تروک ویل آپاکستانی قوم چین اتون سلوک ءِ، پاکستان نا سیاسی سرکڑدہ، پارلیمان و الس چین اتون یکجہتی نا درشانی ءِ کیرہ، کرونا وائرس اسہ جہانی ءُ ویل اس جوڑ مسنے، ویل انامون ءِ توننگ کن غٹ ءِ اواری اٹ کوشست کروئی مریک، چین نا حکومت نا کرونا وائرس نا مون ءِ توننگ نا گام گیج آک ستاکڑزرہ۔ داخیال آتا درشانی ءِ او دوشنبے نادے آ چین نا سفارت خانہ غا بننگ نا وخت آکرے۔ سینیٹر زدلاور خان، ستارہ ایاز، محمد علی سیف، نصیب اللہ بازئی و اشوک کمار ئسک ہم چیئرمین سینیٹ تون اوار ئسر۔ داوخت آ اوپارے کہ چین ءِ کرونا وائرس نا سوب آن مون تروک ویل آتیا پاکستانی قوم چین اتون سلوک ءِ۔ پاکستان ناسیاسی سرکڑدہ، پارلیمان و الس چین اتون یکجہتی نا درشانی ءِ کیرہ۔ کرونا وائرس اسہ جہانی ءُ چیلنج اس مسنے۔ چیئرمین سینیٹ پارے کہ ویل انا مون ءِ توننگ کن غٹ ءِ اواری اٹ کوشست کروئی مریک۔ چین نا حکومت نا کرونا وائرس نا مون ءِ توننگ نا گام گیج آک ستاکڑزرہ۔ پاکستانی طالب علم آتے آسراتی فراوان کننگ آ چین نا حکومت نا منت واراُن۔ اوپارے کہ گرج تما تو طبی چاہندار آتیا تالان ٹیم اس ہم چین آ گدریفنگک۔ پاکستان و چین ہر مشکل وخت اٹی اسہ ایلو تون تفینو۔ اوپارے کہ کرونا وائرس نا مقابلہ ءِ کننگ کن ہم نن چین نا الس تون سلوک اُن۔ چینی سفارت خانہ غا سرمننگ آ چین نا سفیر یاؤ جنگ چیئرمین سینیٹ محمد صادق سنجرانی ءِ بخیر کرے۔ چین نا سفیر یکجہتی نا درشانی آ چیئرمین سینیٹ محمد صادق سنجرانی، پارلیمان و الس نا منت واری ءِ ہرفے۔ داوخت آ چین نا سفیر پارے کہ پاکستانی طالب علم آک ننکن بھاز عزیز ءُ۔ پاکستانی طالب علم آتے ہروڑنا آسراتی تا فراوانی ءِ پک کینہ۔ چینی سفیر پارے کہ کیس آک بھاز کم مسنو۔
