اسلام آباد ۔ 23فروری (اے پی پی)انڈس کلچرل فورم ءِ چیردستیءَ پاکستانءِ ماتی زبان آنی سے روچی لبزانکی میڈہ وتی آسر بوت ۔ ہمک سال 21فروریءَ ماتی زبان آنی میاں اوستمانی روچءِ درگتءَ بنجاہی حکومت اسلام آباد برجم داشتگیں ماتی زبان آنی لبزانکی میڈہ 23فروری یک شمبے ءِ روچءَ آسر بوت ۔ اے مراگشءَ سرج میں ملک ءَ چہ لبزانکءِ پڑءَ گوں ہمگرنچیں ازمکار، ُ شاعرء ُ پٹء ُ پولکار ہوار بوتگ اَنت ۔ براہوئی زبان ءِ زانت کار ڈاکٹر سنی لیاقتءَ براہوئی زبانءِ نمائندگی کتگء ُ براہوئی زبانءِ سرءَ چمشانک داتگ ، ایشیءَ ابید بلوچستان ءِ پیسرگیں سروزیر ڈاکٹر مالک بلوچ ء ُ ڈاکٹر ضاء الرحمن بلوچ ءَ بلوچی زبانءِ نمائندگی کتگء ُ زبانءِ سرءَ چمشانک داتگ ۔ مراگشءَ ہوار ڈاکٹر ضیاء الرحمن ءَ گشتگ کہ بلوچ راج دنیاءِ تہءَ یکیں راج اِنت آ باززبانءَ گپ کنت، آئیءَ گشتگ کہ آ ایرانءَ بلوچیء ُ فارسی زبانءَ گپ کنت، اوگانستانءَ دری زبانءَ گپ کنت، جھنگ میں بلوچی ء ُ پنجاپی ءَ گپ کنت، بلوچستانءَ بلوچیء ُ براہوئیءَ گپ کنت ۔ آئیءَ گشتگ کہ بلوچ زبان آنی ہوالگءَ باز سیرآبادیں راج اِت ۔
