اسلام آباد ۔ 23فروری(اے پی پی) انڈس کلچرل فورم ءِ چیردستیءَ پاکستانءِ ماتی زبان آنی سے روچی میڈہ پاکستان نیشنل کونسل آف دی آرٹس ءَ برجم دارگ بوت کہ آئیءِ تہءَ سرج میں ملک ءَ چہ نامداریں ازمکار ء ُ شاعر ہوار بوت اَنت ۔ انڈس کلچرل فورم ءِ چیردستیءَ اے میڈہ 21فروری تاں 23فروری ءَ بوتگ ۔ ہمک سال 21فروریءَ ماتی زبان آنی میاں اوستمانی روچءِ درگتءَ بنجاہی حکومت اسلام آبادءَ انڈس کلچرل فورم ءَ ماتی زبانی آنی میڈہ گوستگیں پنچ سالاں چہ سوبمندی ءِ گوما برجم دارگ بوہگءَ اِنت ۔ مراگش ءَ ہوار زبان زانتاں گشتگ کہ ماتی زبان مے دودء ُ ربیدگءِ حاسیں بر اِت ء ُاے میڈہ ءِ کنگءِ مولء ُ مراد پاکستانءَ ماتی زبان آں دیمروئی دیءگ اِنت ۔ اے میڈہ ءَ پاکستانءِ مزن مزنیں زبان چوشکہ بلوچی ،سندھی، پشتو، براہوئی، پنجاپی ء ُ ایندگہ زبان آں نبشتہ کتگیں کتاب ء ُ آیانی رجانک ہم دیما آرگ بوتگ اَنت ۔
