لاہور۔22 فروری(اے پی پی)گورنر پنجاب چوہدری محمد سرور ءَ گوشت کہ الحمدللہ ایوکا لیئب ءِ پڑءَ نہ بلکہ ہمک تبک ءَ پاکستان ءِ سوبمندی ءَ گوں دگنیا ءِ تہ وتی جاگہ گپتگ انت،پاکستان ءِ راجی کبڈی ٹیمب ءَ اولی رند ءَ ورلڈ چیمپیئن ءِ شرپ وتی نام ءَ کنان ءَ راج دپتر جوڈ کتگ۔اے ھیالانی درشان آہاں ملکی راجدپترءِ تہ اولی رند ءَ کبڈی ءِ میاں اوستمانی چیمپییئن جوڈبوتگیں راجی ٹیمب ءِ شرپ ءَ گورنر ہاوس ءِ تہ داتگیں استقبالی مراگش ءِ موہ ءَ تران کنان ءَ کتگ ات۔اے موہ ءَ صوبائی وزیر لیئب رائے تیمور بھٹی،مزن وزیر ءِ صلاحکار برائے بیئپار ءُُ زرکاری (یورپ)صاحبزادہ جہانگیر،ایسپائر گروپ کالجز ءِ چیئرمین عمر نذر شاہ، صدرفیڈریشن آ ف پاکستان چیمبرز آف کامرس انجم نثار، صدر لاہور چیمبر آ ف کامرس عرفان اقبال شیخ، تاجر راھشون نصراللہ وڑائچ ءُُ ندیم پہلوان ءِ ھوار دگہ ھم ساڑی اتنت۔گورنر ہاؤس ءَ سر بوھگ ءَ لیئبی آنی دھل ءِ تھاپ ءِ سرا پُرشانیں وش اتکی کتگ۔لیئبی ءَ را 10لکھ کلدارءِ کیش انعام ءِ ابید ربیدگی پھاگ ھم بستگ انت۔گورنر پنجاب ءَ گوشت کہ بنجاہی ءُُ پنجاب حکومت لیئبی آنی چکاریں دلبڈی کنگ انت،انشا اللہ ہمک میدان ءِ تہ پاکستانی ورناہاں ملک ءِ نام اے وڈ ءَ روژن کن انت۔صوبائی وزیر برائے لیئب رائے تیمور بھٹیءَ گوشت کہ ورلڈ کپ ءِ آسرءَ مروچی ملک ءِ کنڈ کنڈ ءَ کبڈی ءِ گپ جنئگ بوھگ انت، آ وکیں ورلڈکپ ءِ تہ ھم پاکستانی ٹیمب اے وڈ ءَ سوبمندی زورایت۔کبڈی چیمپئن ٹیم ءِ کپتان عرفان جٹ ءُُ مانا پہلوانءَ گوشت کہ ماراپکر انت کہ مہ کبڈی ورلڈ کپ ءِ تہ بھارتءَ را پروشت داتگ ءُُ راج ءَ اے سوبمندی ءِ سرا مارا ہمہ اعتماد ءُُ دلبڈی داتگ ایشی ءَ چہ مئے لیبی آنی دلبڈی رستگ ءُُ آہانی اعتماد ءِ تہ ودکی بوتگ انت۔
