کوءٹہ ۔ 21 فروری (اے پی پی) صوبائی وزیرخزانہ ظہور بلیدی پارینے کہ سبی میلہ بلوچستان نا دودوربیدہ ، زرگزران ءِ مون آ دننگ اٹ مدام کلیدی کڑد ادا کرسا بننگ ءِ داڑتون صوبہ نا کشارگر زمیندار، مالدار و ہندی خلقت نا زرگزران اٹی گچینی اتنگ نا گچین ءُ ذریعہ اسے داوڑنا وارخواہی تا فراوانی آن الس شونہال مریک و صوبہ ہم شون ہلیک ۔ ساڑی صوبائی حکومت الس نا راجی آسراتی کن کوشست کننگ ءِ اوجاری سبی میلہ نا اڈتننگ نا بابت اسہ کلہو اسے ٹی کرے اوپارے کہ دامیلہ ٹی صوبہ نا کشت وکشار، مالداری، زرگزران و دودوربیدہ نا بشخ آتے شون ملک و ہندی وڑاٹ چنکا صنعت آتے ٹی تیار مروک آ گڑاتے بہا کننگ نا وارخواہی دوبریک اوپارے کہ صوبہ بلوچستان کشت وکشار و مالداری کن پنی ءِ و صوبہ نا کم و ود 80 درسد الس نا ذریعہ معاش دا ہڑتوم آ بشخ آتون گنڈوک ءِ صوبائی وزیر پارے کہ دا میلہ غان صوبہ نا الس ءِ سیل و سوات نا بھلو وارخواہی اس دوبریک و ہندی فنکار آتے تینا فنءِ نشان تننگ اٹ دا میلہ کمکار مریک ۔
