لیہ ۔ 21 فروری (اے پی پی) مزن وزیر عمران خان ءَ گوشت کہ پاکستان سکیں وھد ءَ چہ در اتکگ، راج ءَ را گیش وشیں ھال رسیت، اگاں ماں گوستگیں حکومت آنی واستہ وام آنی کست واپس مہ کتگیں گڈا ملک چٹ بوتگ ات ۔ وانگ ءُُ زانگ ، جان سلامتی، انصاف ءُُ تھانہ آنی نظام ءَ را گہتر کنگ ءَ آں ، 80ہزار مردم آناں ھمک ماہ بے سوت ءَ وام ءُُ 50ہزار گریب آناں ھمک سال اسکالرشپ دیاں ، سرج میں ملک ءَ مزور ءُُ گریبیں تبک ءِ مردم آناں چھت ءُُ وردن ءُُ وراک ءِ پجاری ءِ وستہ پناہ گاہ جوڑ کنگ بوھگ ءَ انت، گریب ءُُ امیر آنی واستہ ھمکچیں رھبند آرگ آں ، استاد آنی واستہ جزا ءُُ سزا ءِ نظام ءَ آرگ ءَ آں ۔ آدینگ ءِ روچ ءَ مزن وزیر عمران خان ءَ لیہ ءَ ’’احساس اثاثہ جات منتقلی پروگرام‘‘ ءِ بنگیجی دیوان ءَ گشتانک دیان ءَ کت آئی ءَ گوشت کہ پاکستان ھما لیکہ ءِ سر ءَ جوڑ بوتگ، آ ئی ءَ شمے دیم ءَ ایر کنگ لوٹاں ، آ گہبودی ریاست ءِ اکس ات، مئے کوشست انت کہ پاکستان ءَ را یک گہبودی ریاست ءِ جوڑ بکن آں ، پاکستان ءَ انوگ ءَ تاں بوتگیں دیمروئی ءَ سیر لاپ گیش سیر لاپ ءُُ است مند بوتگ وھدیکہ گریب وتی جاھ ءَ ھما رنگ ءَ گریب بوتگ، اے گستائی گیش بوھان بوتگ ۔ آئی ءَ گوشت کہ اچ چاگرد دیمروئی کت نہ کنت ، مدینہ ءِ ریاست بنی کریمﷺ ءَ وتی رھبند آنی بنیات ءَ جوڑ کتگ ءُُ مردم آناں گریبی ءَ چہ ڈن در کتگ ءُُ مسلمان آناں یک بے دروریں راج ءِ جوڑ کتگ، چین ءَ 30سال ءَ 70کروڑ مردم آناں گریبی ءَ چہ ڈن کشتگ ایشی ءَ چہ آئی ءَ را یک شل ءَ زرّ رسگ ءَ انت ایشی ءَ چہ آ وتی ھمروچگیں ضلورتی چیز آں بھا زرت کناں ، آئی ءَ گوشت کہ ھمزوریں مردم آناں سامان ءُُ مشینری دیگ بوھگ ءَ انت تانکہ آ وتی پاد آنی سر ءَ اوشتات کت بکن انت ۔ اے موہ ءِ سر ءَ سر وزیر پنجاپ عثمان بزدار ءُُ مزن وزیر ءِ ھسایں کمکار برائے گریبی ءِ ھلاس کنگ ءُُ چاگردی رکھینگ ڈاکٹر ثانیہ نشتر ءَ ھم گشتانک دات ۔ اے موہ ءِ سر ءَ مزن وزیر ءَ گریبں مردم آناں گوک ءُُ پس بھر ءُُ بانگ کت ءُُ دات ۔
