وزیراعظم عمران خان قوم ءِ شونداری و شونہالی نا کنڈآ دننگ ءِ
اسلام آباد ۔ 21 فروری (اے پی پی) وزیر مملکت ہاءوسنگ اینڈ ورکس شبیر علی قریشی پارینے کہ وزیراعظم عمران خان لیڈر نا حیثیت اٹ قوم ءِ شونداری و شونہالی نا کنڈآ دننگ ءِ ، اونا سیاسی جہد داہیت انا غماز ءِ کہ او مشکل حالیت آتون مون تننگ چاہک ۔ داہیت ءِ او ’’اے پی پی‘‘ تون گپ و تران کرسا پارے ۔ اوپارے کہ تحریک انصاف نا حکومت وزیراعظم عمران خان نا کماشی ٹی ہمو ایجنڈاءِ ہلسا چلینگ انگ ءِ ہراکہ الس نا اومیت آتا رداٹ ءِ ۔ اوپارے کہ ہمووخت مر اف ہراتم مخالف آک ہم داہیت ءِ امنا کیرہ کہ وزیراعظم عمران خان ملک ءِ دا جاگہ غا ایسونے سلفینے ہرانا تغ ءِ قوم پاکستان نا جوڑ مننگ آن ہلیس بسکہ ۔ اسہ سوج اسے نا ورندی ٹی وزیر مملکت ہاءوسنگ اینڈ ورکس پارے کہ حکومت ہاءوسنگ نا بشخ اٹی ہمو گام گیج آتے چست کننگ ءِ ہرا فتے مستین نا حکومت آتا کنڈآن چست کروئی ئسک ۔ اوپارے کہ وزیراعظم عمران خان ہراوعدہ غاتے کرینے اوفک پورو مننگ ءُ ۔
