اسلام آباد ۔ 21 فروری (اے پی پی) حکومت پاکستان جرمنی ناشار ہناءو ٹی جلہو آتا ترندی اٹ مذمت ءِ کرینے ہراٹی نہادی انسانی جان تا زیان مس و چندی بندغ آک ٹھپی مسر ۔ جمعہ نادے آ دفتر خارجہ آن جاری بیان نا رداٹ ڈکھ انا دا ساہت اٹی پاکستان نا حکومت و الس جرمنی تون تفوک ءُ و زہمی خاہوت آتا غم اٹی شریک و اوفتے کن نیک است خواہی تخرہ ۔ نن دا است ہسون واقعہ ٹی ترک شاری تا زوال کننگ آ ترکی نا حکومت تون ہم ہڑزخواہی کینہ و ٹھپی تا زوت جان جوڑی کن دعا کینہ ۔ اسلام و درملکی تیان دنیا ٹی خار انا ودوک آ رجحان و نسلی بنداو آ تعصب نا رویہ غاتے ٹی ودکی آ پاکستان ءِ بھاز گڑتی ءِ ۔ دا واقعہ اسہ وار ولدا دا اہمیت ءِ تالان کرینے کہ پرتشدد انتہاپسندی نا ہچ ءُ خاص ءُ مذہب، نسل یا شہریت اس مفک ۔ خار و تعصب آ مبنی سوچ ءِ ماس کش کننگ کن اجتماعی کوشست آتا گرج ءِ ۔ خار آ مبنی ڈوہ تا سوب آن جوڑ مروک آ سوب آتے چٹفوئی مریک ۔ پاکستان جرمنی و ایلو غٹ ہم خیال ریاست آتون اواری اٹ اسلام آن خار انا رویہ نا مون ءِ توننگ و دانا توننگ اٹ تینا کڑد ءِ ادا کننگ کن تیار ءِ تانکہ دنیا ٹی بین المذاہب و چندی تہذیب آتے ٹی ہم آہنگی ءِ مون آ دننگے و دنیا امن نا وت اس جوڑ مننگ کے ۔
