وزیراعظم عمران خان اینو لیہ نا دورہ ءِ کیک، وزیراعظم لیہ ٹی ’’احساس اثاثہ جات منتقلی پروگرام‘‘ نا بناءِ کیک

اسلام آباد۔ 21 فروری (اے پی پی) وزیراعظم عمران خان (اینو) جمعہ نادے آ لیہ نا دورہ ئِ کیک۔ وزیراعظم لیہ ٹی ”احساس اثاثہ جات منتقلی پروگرام“ نا بنائِ کیک ۔ وزیراعظم میڈیا آفس آن جاری بیان نا رداٹ وزیراعظم مظفر گڑھ اٹی مظفر گڑھ آن ڈیرہ غازی خان دورویہ سڑک نا بناو رجب طیب اردوان ہسپتال ٹرسٹ انا دورہ ئِ ہم کیک۔ داپروگرام احساس نا رداٹ چلیفوک آ پروگرام تیان اسٹ ئِ ہرانا بنداوی مسخت پسماندہ تپہ غاتے کن ذریعہ معاش نا وارخواہی ودی کننگ نائِ۔ اثاثہ جات منتقلی پروگرام اٹی نیزگاری نا لکیر آن شیف زند ئِ تیر کروک آتے چنکو میرات تننگ اوار ئِ تانکہ او روزگار کننگ کیر و نیزگاری آن پیشن پیش تمنگ کیر۔ اثاثہ جات آتے ٹی ساہدار(ایٹ، ڈگی، میئی و پولڑی) ، کشاری ازباب ، چنگچی رکشہ باڈی ، چنکا دوکاندار و چنکا کاروباری ادارہ غاتے کن ازباب آک اوار ئُ۔ احساس اثاثہ جات منتقلی پروگرام پاکستان نا ہر چار آ صوبہ غاتے ٹی 23نیزگار انگا ضلع غاتا 375دیہی یونین کونسل آتے ٹی بناکننگ انگ ئِ۔ پروگرام نا ہدف حقدار اُرا(60 درسد زالبول و 30 درسد ورناحقدار)تے 200,000اثاثہ جات تننگ نا ئِ ہرانا دنگئِ نتیجہ غاتیا بنداو آ وسیع کننگک۔ داپروگرام نا بجٹ 15بلین روپئی ئِ و جم وڑاٹ 1.45ملین بندغ دا پروگرام آن فائدہ ہرفرہ۔