اسلام آباد ۔ 21فروری (اے پی پی) مزن وزیرءِ حاسیں کمک کار ڈاکٹر فردوس عاشق اعوانءَ گشتگ کہ پی ایس ایل ءِ بُنگیجی مراگش ءَ روژناہی آنی شہرءَ را زندے داتگ، اے وشّی ءِ روچ راجء َ را ء ُ حاس کراچی ء َ را مراد باتگ، ناشرکاریءِ حلاپءِ جنگءَ محکم بوہوکء ُ ناشرکاریءِ حلاپءِ جنگءَ قربانی دیءوکیں راجءِ حق اِنت کہ آیانی لیب ءِ پڑ آبات بہ بنت ۔ جمعہ ءِ روچءَ وتی ٹویٹ ءَ ڈاکٹر فردوس عاشق ءَ گشتگ کہ اے پاکستانءِ بہادریں اُلس، سلاھ بندیں فوج، پولیس ء ُ قانود نافذ کنوکیں ادارگانی قربانی آنی برورد اَنت ۔ آئیءَ گشتگ کہ روژناہی واتربوتگ اَنت، لیبءِ پڑ آبات ء ُ میاں اوستمانی لیبی پاکستانءَ اَتکگ اَنت، ڈنی ملک ءَ چہ آیوکیں درائیں لیبی آں دلءِ جہلانکءَ وش اَتک کناں ۔
