اسلام آباد ۔ 21فروری (اے پی پی) مزن وزیرءِ حاسیں کمک کار ڈاکٹر فردوس عاشق اعوان ءَ گشتگ کہ مزن وزیر عمران خان ءِ ’’ احساس‘‘ پروگرام اُلس ء ِ تہءَ نامدار بوہگءَ اِنت، احساس پروگرام نوں لیہ ءَ بندات کنگ بوہگءَ اِنت، احساس پروگرام پدمنتگیں دمگانی نیزگارء ُ حقداریں مردمانی زنداں گہتر کنگءَ حاسیں بن اِشتے جوڑ بوہگءَ اِنت ۔ جمعہ ءِ روچءَ حاسیں کمک کارءَ وتی ٹویٹءَ گشتگ کہ احساس پروگرام یک جوانیں ء ُ روژناہیں چاگرد ءِ پدیانک بیت، اے پروگرام زہباریں ء ُ پدمنتگیں تبک ءَ گوں مزن وزیر عمران خان ءِ مہر ء ُ واہگ ء ُ وتی گیری ءِ عکس کشیءَ کنت ۔ اے پہ نیزگارانی ھاترءَ روزگارءِ ھاترءَ آسراتی ءِ سرکنگ ءِ نیمگءَ عملی گامگیج اِنت، 15بلین کلدار بجٹ ءِ اے پروگرام ءَ چہ 14;46;5لکھ مردم پائدگ چست کناں ۔ حاسیں کمک کار ڈاکٹر فردوس عاشق اعوانءَ گشتگ کہ 23ضلع آنی 375کوچّگی یونین کونسل آں اے پروگرام بندات کنگ عمران خانءِ وژن ءِ عکس کشی اِنت ۔
