اسلام آباد ۔ 20 فروری (اے پی پی) مزن وزیر عمران خان ءَ رجب طیب اردوان ہسپتال ٹرسٹ ءِ جان سلامتی شوبگ ءَ ازمت آناں ساڑرات ءُُ گوشت کہ ٹرسٹ بے کسیں ، گریبیں ءُُ لاچاریں مردم آناں پناہ گاہ آنی تہ ءَ آسراتی ءُُ وردن ءُُ وراک ءِ پجاری وشیں گپ ات، سیر لاپیں مردم آنی نیمگ ءَ نادُراھیں ، بے کسیں ءُُ لاچاریں مردم آنی ازمت لاءک ءِ ستا انت ۔ آئی ءَ اے گپ پنچ شمبے ءِ رو چ ءَ ادا رجب طیب اردوان ہسپتال ٹرسٹ ءِ چیئرمین خواجہ عمر فاروق ءُُ فائنڈنگ چیئرمین میاں محمد احسن ءِ سروکی ءَ دل ءَ گند ءُُ نند ءُُ نند کت ۔ ڈل ءَ مزن وزیر ءَ را ٹرسٹ ءِ جان سلامتی شوبگ ءَ ازمت ءُُ مزن وزیر ءِ لاہور ءَ پناہ گاہ جوڑ کنگ ءِ پروگرام ءِ ھوالگ ءَ جتا جتائیں تک آنی بابت ءَ سرپد کت ۔ رجب طیب اردگان ہسپتال ٹرسٹ پبلک پرائیوٹ پارٹنر شپ ءِ چیر دستی ءَ ھپ ہسپتال ءُُ دو دمگی بلڈ سینٹر آنی تہ ءَ علاج ءِ آسراتی پجارینگ ءَ انت ۔ ڈل ءَ مزن وزیر ءَ را سر پد کت کہ گوستگیں سال ءَ لکھانی مریز ٹرسٹ ءِ جتا جتائیں ہسپتال آنی تہ ءَ مپت علاج ءِ آسراتی ءَ چہ سیت مند بوھگ ءَ انت ءُُ لاہور ءِ پناہ گاہ ءَ ھمک روچ ءِ بنیات ءَ ہزارتی مردم آناں مپت ءَ ورگ پجارینگ بوھگ ءَ انت ۔ مزن وزیر ءَ رجب طیب اردگان ہسپتال ٹرسٹ ءِ جان سلامتی شوبگ ءَ را ساڑات ۔ آئی ءَ گوشت کہ سیر لاپیں مردم آنی نیمگ ءَ نادُراھ، بے کس ، گریب ءُُ لاچاریں مردم آنی ازمت لاءک ءِ توسیپ انت ۔ مزن وزیر ءَ ڈل ءَ را حکومت ءِ نیمگ ءَ جوانیں کمک ءُُ یکوئی کنگ ءِ دل یکیمی کت ءُُ گوشت کہ ٹرسٹ ءِ بنی آدمی ازمت کنگ ءِ جوزگ چاگرد ءِ دومی تبک ءِ واستہ لاءک ستا انت ۔
