صوبہ ٹی تعلیمی شونداری کن اقوام متحدہ نا ادارہ یونیسیف نا خذمت آتے قدر انا نظر اٹ ہرنہ، صوبائی وزیر تعلیم بلوچستان سردار یار محمد رند

کوءٹہ ۔ 20 فروری (اے پی پی) صوبائی وزیر تعلیم بلوچستان سردار یار محمد رند پارینے کہ صوبہ ٹی تعلیمی شونداری کن اقوام متحدہ نا ادارہ یونیسیف نا خذمت آتے قدر انا نظر اٹ ہرنہ، ادارہ نا صوبہ نا مار و مسن تا تعلیم و جان جوڑی نا بشخ اٹی خذمت آتے پین گچین کننگ کن سوگو ءُ حکمت عملی اس جوڑ کننگک ۔ صوبائی وزیر پارے کہ صوبہ ٹی شرح خواندگی ٹی ودکی کن پبی وڑاٹ مہم اس چلیفنگ انگ ءِ ۔ کوشست ءِ کہ اسہ چناس ہم اسکول آن پیشن سلپ ۔ درکار ہدف آتا دوئی کننگ کن غٹ ممکن وسیلہ غاتے کاریم اٹ اتنگک ۔ داخیال آتا درشانی ءِ او اقوام متحدہ نا ذیلی ادارہ یونیسیف نا پاکستان اٹی تعلیم کن سروک ;75;almthout;69;llen ایلن کلمٹوٹ تون گپ وتران کرسا کرے ۔ اوڑدہی ٹی صوبائی سیکرٹری ثانوی تعلیم غلام علی بلوچ ، صوبائی سیکرٹری ہائیر ایجوکیشن عاشم غلزئی ئسک ہم ساڑی ئسر ۔ اوڑدہی ٹی صوبائی وزیر تعلیم سردار یار محمد رند یونیسف نا سروک تعلیم پاکستان ءِ بلوچستان اٹی تعلیم نا بابت ویل و گچینی کن حکومتی گام گیج و آخبت نا لاءحہ عمل نا بابت سرجمی اٹ معلومدار کرے ۔ داوخت آ یونیسیف نا کنٹری ہیڈ تعلیم ایلن کلمٹوٹ صوبائی وزیر تعلیم بلوچستان سردار یار محمد رند انا تعلیم نا بابت پالیسی نا ستاءِ کرسا تینا پورو کمکاری نا باوری کرفے ۔ ایلن کلٹموٹ پارے کہ یونیسیف بلوچستان اٹی تعلیم نا شونداری آ خصوصی چکار کننگ ءِ ۔ مار و مسن تے تعلیمی ادارہ غاتے ٹی آسراتی تا فراوانی تون اوار کمرہ جماعت اٹی دوستانہ چاگڑد و آب اٹ تعلیم ننا اولیت آتے ٹی اوار ءِ ۔ داوخت آ صوبائی وزیر تعلیم سردار یار محمد رند پارے کہ صوبہ نا مر مر انگا علاقہ غاتے ٹی اسکول آتا جوڑ کننگ و غیر فعال اسکول آتے دُوارہ فعال کننگ کن گام گیج چست کننگ انگ ءِ ۔ صوبہ نا تعلیمی ادارہ غاتے آسراتی تا فراوانی و فنڈ آتا سہی کاریم اٹ اتنگ کن جوڑ کروک آ ورک پلان آ سختی اٹ عمل کننگک و ڈیوالائی نا مرتکب بندغ آتا برخلاف محکمانہ کارروائی کننگک ۔