گورنر بلوچستان امان اللہ خان یاسین زئی تون گورنر ہاءوس کوءٹہ ٹی ڈاکٹر ظاہر خان نا کماشی ٹی بولان میڈیکل ایسوسی ایشن نا ڈل انا اوڑدہی

کوءٹہ ۔ 20 فروری (اے پی پی) گورنر بلوچستان امان اللہ خان یاسین زئی تون گورنر ہاءوس کوءٹہ ٹی ڈاکٹر ظاہر خان نا کماشی ٹی بولان میڈیکل ایسوسی ایشن نا ڈل اوڑدہی کرے، اوڑدہی ٹی بولان یونیورسٹی آف میڈیکل اینڈ ہیلتھ سائنس نا شونداری ڈاکٹر آتے مون تروک ویل زیر تعلیم طالب علم آتے غٹ المی آسراتی تننگ و جان جوڑ چاگڑد اس جوڑ کننگ اٹ غٹ ءِ اوار دننگ آ گپ وتران کننگا ۔ داوخت آ گورنر بلوچستان امان اللہ خان یاسین زئی پارے کہ بولان میڈیکل یونیورسٹی صوبہ نا اولیکو یونیورسٹی ءِ ہر پوسکن آ جوڑ مروک آ یونیورسٹی آنبار بولان میڈیکل یونیورسٹی ہم چندی ویل و مشکل آتا مون ءِ توننگ غٹ دوئی وسیلہ غاتے کاریم اٹ اتنگ ءِ، گورنر بلوچستان پارے کہ نن یونیورسٹی نا ٹیچنگ فیکلٹی ینگ ڈاکٹر و زیر تعلیم اسٹوڈنٹ آتا ویل آتیان نئے بیرہ جوانی اٹ بلد ءِ بلکن او غٹ مشکل آتے ایسر و یونیورسٹی ءِ پوسکن آ وڑوڈول آتیا استوار کننگ کن کوشست ہم کننگ ءِ ۔ گورنر پیدوار کرے کہ گورنر ہاءوس نا درگہ غٹ اکن ملوک ءِ و یونیورسٹی نا ٹیچنگ فیکلٹی و اسٹوڈنٹ آتا روا خواست و مون تروک مشکل آتا پائیدار کن تعلقدار خلقت نا سلاہ و سوج و سلاہ تے ہم قدر انا نظر اٹ ہرک ، گورنر داہیت آ زور شاغا کہ صوبہ نا شونداری و جان جوڑی تعلیم نا مون آ دننگ اٹ ہر زی فہم بندغ تینا پبی کڑد ءِ ادا کے ۔