کراچی ۔ 20 فروری (اے پی پی) صدر مملکت ڈاکٹر عارف علوی پارینے کہ ایل آربی ٹی ہسپتال نیزگار و نیامی تپہ کن درمان نا گچین آسراتی فراوان کننگ ءِ، مخیر خواجہ غاک دا خیر انا کاریم اٹ زیات آن زیات بشخ ہلیر ۔ داخیال آتا درشانی ءِ او گورنر سندھ عمران اسماعیل تون اوار ایل آر بی ٹی ہسپتال کورنگی نا دورہ ءِ کننگ نا وخت آ کرے ۔ صدر مملکت ہسپتال اٹی درمان نا پوسکن آ آسراتی و سفائی ستھرائی نا ستاءِ کرے ۔ اوپارے کہ ایل آر بی ٹی نیزگار و نیامی تپہ کن درمان نا گچین آسراتی فراوان کننگ ءِ، پاکستان نا غٹ آن بھلا خن تا ہسپتال نا نیٹ ورک (ایل آر بی ٹی) اہم قومی خذمت سرانجام تننگ ءِ ، مخیر خواجہ غاک داخیر انا کاریم اٹ زیات آن زیات بشخ ہلیر ۔ داوخت آ گورنر عمران اسماعیل پارے کہ ایل آر بی ٹی خن تا خیال داری و رکھ اٹ سرفہرست ادارہ اس جوڑ مسنے ۔ اونا پاننگ ئس کہ پاکستان اٹی خذمت، کمک و مسیحائی نا جوزہ رشک انا قابل ءِ ۔
