وزیر خارجہ شاہ محمود قریشی نا جاپان انٹرنیشنل کمکار ایجنسی نا صدر شنیچی کیتاءو کا تون گپ وتران

اسلام آباد ۔ 20 فروری (اے پی پی) وزیر خارجہ شاہ محمود قریشی پارینے کہ پاکستان پیشن نا زرکاری کن رکھ ءُ ملک اسے ، جاپانی زرکار آتے ہروڑنا آسراتی فراوان کینہ ۔ داہیت ءِ او جاپان انٹرنیشنل کمکار ایجنسی (جائیکا) نا صدر شنیچی کیتاءو کا تون گپ و تران کرسا پارے ہرافک پنچ شنبے نادے آ اوڑتون وزارت داخلہ ٹی اوڑدہی کریر ۔ وزیر خارجہ ءِ جائیکا نا صدر تنظیم نا چندی بشخ آتے ٹی کمکاری آ حوال تس ۔ وزیر خارجہ پاکستان و جاپان نا نیام اٹ واپار و زرکاری نا بابت پوسکن آ وارخواہی تیان جائیکا نا صدر ءِ معلومدار کرے ۔ اوڑدہی ٹی ہڑتوم آ ملک آتا نیام اٹ واپار و زرگزرانی کمکاریءِ پین مون آ دننگ آ امنا کننگا ۔ وزیر خارجہ پارے کہ جائیکا پاکستان اٹی تعلیم، جان جوڑی ، انسانی و راجی شونداری و اوغانستان تون ایب و کیب و ایلو علاقہ غاتے ٹی کمک کننگ ءِ ۔ جائیکا نا تعلیم و ایلو انسانی شونداری نا بشخ آتے ٹی کمکاری ستاکڑزک ۔ جائیکا تون ایلو بشخ خاص کر ٹیکنالوجی و ایلو باندات آتے ٹی پین کمکاری نا خواہندار ءِ ۔ شاہ محمود قریشی پارے کہ پاکستان پیشن نا زرکاری کن رکھ ءُ ملک اسے ۔ جاپانی زرکارآتے پاکستان اٹی زرکاری کننگ کن بخیر اٹ پانہ ۔ وزیر خارجہ پارے کہ پاکستان پیشن نا زرکاری کن رکھ ءُ ملک اسے ۔ جاپانی زرکارآتے ہروڑنا آسراتی فراوان کینہ ۔