پاکستان پہ ڈنی زرکارانی ھاترءَ یک محفوظیں ملک اِت، جاپانی زرکاراں ہرچ وڑیں آسراتی دیاں
اسلام آباد ۔ 20فروری (اے پی پی) دری کارانی وزیر شاہ محمود قریشی ءَ گشتگ کہ پاکستان پہ ڈنی زرکارانی ھاترءَ یک محفوظیں ملک اِت، جاپانی زرکاراں ہرچ وڑیں آسراتی دیءگ بیت ۔ اے گپ آئیءَ جاپان میاں اوستمانی کمک ایجنسی (جائیکا) ءِ صدر شنیچی کیتاوَکاءَ گوں گپء ُتران کنانءَ کتگ کہ آیاں پنچ شمبے ءِ روچءَ دری کارانی وزارتءَ گوں یکے دومیءَ گندء ُ نندکتگ ۔ دری کارانی وزیر ءَ را جائیکا ءِ صدرءَ تنظیمءِ بازیں پڑاں کمک کنگءِ سرءَ شونشت داتگ ۔ دری کارانی وزیر ءَ پاکستان ء ُجاپان ءِ نیامءَ بیپاری ء ُ زرکاری ءِ ہوالگءَ نوکیں موہ آنی سرءَ جائیکا ءِ صدرءَ را سرپد ک تگ ۔ گندء ُنندءَ دوئیں ملک آنی نیامءَ بیپاری ء ُمعاشی کمک ءَ را گیش پراہ ء ُ شائیگان کنگءِ سرء َ تپاک کنگ بوتگ ۔ دری کارانی وزیرءَ گشتگ کہ جائیکا پاکستان ءَ وانگء ُ زانگ، جانء ُسلامتی ، انسانی ء ُ سماجی دیمروئی ء ُ اوگانستان ءَ گوں ہم دپیں دمگاں کمک کنگءَ اِنت ۔ جائیکا ءِ وانگء ُ زانگ ء ُ ایندگہ انسانی دیمروئی ءِ پڑاں کمک لکھ ستاہ کرز ایت ۔ گوں جائیکا ءَ ایندگہ پڑ حاس ٹیکنالوجی ءِ پڑءَ گیش کمک کنگءِ واہشت مند اِنت ۔ شاہ محمود قریشی ءَ گشتگ کہ پاکستان پہ ڈنی زرکاراں محفوظیں ملک اِت ۔ جاپانی زرکاراں پاکستانءَ زرکاری کنگءِ ھاترءَ وش اَتک کناں ۔
