کراچی ۔ 20فروری (اے پی پی ) ملک ءِ مستر ڈاکٹر عارف علوی ءَ گشتگ کہ ایل آر بی ٹی نادراہ جاہ پہ نیزگارانی علاج ءِ ھاترءَ آسراتی دیءگ دیءگءَ اِنت، است مندیں مردم اے نیکیں کارء ِ تہءَ بھر بہ زوراَں ۔ اے ھیالانی درشانی آئیءَ سندھ ءِ گورنر عمران اسماعیل ءِ ہمراہ ایل آربی ٹی نادراہ جاہ کورنگی ءِ ترء ُتاب ءِ موہءَ کتگ ۔ ملک مستر ءَ نادراہ جاہ ءَ علاج ءِ جدید آسراتی ء ُ صافء ُ سلہیءَ را ساڑاتگ ۔ آئیءَ گشتگ کہ ایل آر بی ٹی نادراہ جاہ پہ نیزگارانی علاج ءِ ھاترءَ آسراتی دیءگ دیءگءَ اِنت ۔ پاکستانءِ درساں چہ مستریں چمانی نادراہ جاہ ءِ نیٹ ورک (ایل آر بی ٹی ) حاسیں راجی ازمت دیءگءَ اِنت، است مندیں مردم اے نیکیں کارءَ وتی بھرءَ مان بہ کن اَنت ۔ اے موہءَ گورنر عمران اسماعیل ءَ گشتگ کہ ایل آر بی ٹی چمانی چار ء ُ گزار ء ُ رکینگءِ مستریں ادارگانی لڑءَ ہوار بوتگ ۔ آئیءَ گشتگ کہ پاکستانءَ ازمت، کمک ء ُ نیزگاراں آسراتی دیءگءِ جوشء ُ جزبگ لکھ ستاہ کرزایت ۔
