مزن وزیر ءِ حاسیں کمک کار ڈاکٹر فردوس عاشق اعوان ءِ ٹویٹ

مزن وزیر عمران خانءِ گوں اُلسءَ دردء ُ مارشتءِ سیادی اِنت

اسلام آباد ۔ 20فروری (اے پی پی) مزن وزیرءِ حاسیں کمک کار ڈاکٹر فردوس عاشق اعوان ءَ گشتگ کہ بلاول صاحب! اگاں تو کُت کنے گڑا دو حاندان آں چہ راجءِ دُزّیتگیں مالء ُ مڈیاں واتر کنگءَ کمک بہ کن،آیانی حلاپءَ بوشت سرج میں راج گوں تو ہم کوپگ بیت، بلاول صاحب اگاں اُلسءِ دستءَ بہ بیت آ تھرءِ معصو میں زھگانی کوشندہ آں عبرت ءِ نشان جوڑ کنت ۔ پنچ شمبے ءِ روچءَ وتی ٹویٹ ءَ ڈاکٹر فردوس عاشق اعوان ءَ گشتگ کہ اگاں اُلس ء ِ دستءَ بہ بیت آ راجءِ گنہگاراں زمزیلاں گوں بنداں ، واجہ بلاول ! پاکستانءِ اُلس سرپد اِنت ۔ آ اپوزیشن ءِ راستیں چہرگ ء ُ نیت ءَ چہ سرپد اِنت ۔ ڈاکٹر فردوس عاشق اعوان ءَ گشتگ کہ مزن وزیر عمران خانءِ گوں اُلسءَ دردء ُ مارشتءِ سیادی اِنت ۔ آ گوستءِ حکومتءِ نیمگءَ چہ اُلسءَ را داتگیں ٹپّاناں درمان کنگءَ اِنت، (ن) لیگی آں گشگ لوٹاں کہ راج آ وہدءَ بے ھیال نہ کنت کہ اُلس’’ شیرءَ آرت وارت اَنت‘‘ ءِ نعرہ جتگ ۔ سرج میں پاکستان سرپد ایں کہ اے وہدءَ آرت، شکر، روگن ء ُ حاس مرگانی کمی کنگ ءِ پُشتءَ کئی دست مان بوتگ ۔