آزاد کشمیرءِ مزن وزیر راجہ فاروق حیدر خان ءَ گوں برطانوی مزن گس ءِ ڈل ءِ گندء ُنند، آزاد کشمیرءِ مزن وزیر ءَ ڈلءَ را مقبوضہ کشمیرءِ انوگیں جاورھالانی سرءَ شونشت داتگ

اسلام آباد ۔ 20فروری (اے پی پی ) آزاد کشمیرءِ مزن وزیر راجہ فاروق حیدر خانءَ گوں ڈیبی ابراہمز ءِ سروکی ءَ برطانوی مزن گسءِ ڈلءَ گندء ُنندکتگ ۔ آزاد کشمیر ءِ مزن وزیر راجہ فاروق حیدر ءَ ڈلءَ را مقبوضہ کشمیرءِ انوگیں جاورھالانی سرءَ شونست داتگ ۔ مزن وزیر ءَ ڈل ءَ را حال داتگ کہ مودی حکومت ءِ نیمگءَ چہ ڈیبی ابراہمز ءَ را ڈی پورٹ کنگ وت بھارتی حکومت ءِ حلاپءَ چارج شیٹ اِت،ڈلءَ را آزاد کشمیرءَ وش اَتک کنگ بیت، ڈل آزاد کشمیرءَ ہرجاہ ءَ رءوگ لوٹاں آ شُت کناں ۔ آزاد کشمیرءِ مزن وزیر ءَ گشتگ کہ نریندر مودی ءِ 5اگست ءَ پد چست کتگیں گامگیجاں بھارتءِ بیمناکیں دیم سہرہ کتگ، مودی 14000دزگیر ورناہ آنی ھاترءَ حاسیں حراستی بنجاہ جوڑ کنگ بوہگءَ اِنت، 5اگستءَ پد مقبوضہ کشمیر یک انسانی بندی جاہے جوڑکنگ بوتگ کہ گوں آئیءِ ڈنی دنیاءَ ایچ وڑیں نزیکی نیست ۔ اقوام متحدہ ءِ تپاک نامہ آنی ردءَ رائے شماریءَ ابید اے جیڑہ ءِ دگہ ایچ گیشء ُ گیواری نیت ۔ ۔ اے موہءَ آزاد کشمیر ءِ مزن وزیر ءَ گشتگ کہ آ اے ترء ُتاب کنگءَ ڈلءِ شگرء ُمنت ءَ گپت کہ گوں بزگیں کشمیری آنی گوما ہم کوپگ اَنت ۔