بنجاھی وزیر اسد عمر ءِ سروکی ءَ مزن وزیر کارگس ءَ را شاہ دربر جاہ ءِ جوڑ کنگ ءِ ھوالگ ءَ دیوان

پروفیسر ڈاکٹر عطاء الرحمن ءَ شریکیں مردم آناں شاہ دربر جاہ ءِ جوڑیشت ءِ بابت ءَ سرپد کت

اسلام آباد ۔ 20 فروری (اے پی پی) بنجاھی وزیر برائے منصوبگ بندی دیمروئی کار، ھاسیں گامگیج اسد عمرا ءَ گوشت کہ پاکستان ءَ مینوفیکچرنگ ءِ شوبگ ءَ را گہتر کنگ ءِ واستہ نوکیں ٹیکنالوجی ءَ گوں سرپد ی کنگ ءِ ضلورت انت، مزن وزیر کارگس ءَ یونیورسٹی ءِ جوڑیشت ءَ مھتلی مہ بیت چیا کہ اے یک ٹوھیں ارزشتی ایں منصوبگ ات ۔ پنچ شمبے ءَ مزن وزیر کارگس ءَ یونیورسٹی ءِ جوڑشت ءِ ھوالگ ءَ دیوان ءِ برجم دارگ بوت ۔ ایوان ءَ بنجاھی وزیر برائے سائنس ءُُ ٹیکنالوجی فواد چوہدری، پاکستان سائنس اینڈ ٹیکنالوجی ٹاسک فورس ءِ چیئرمین پروفیسر ڈاکٹر عطاء الرحمن، ممبر سائنس اینڈ ٹیکنالوجی ڈاکٹر حسین عابدی ءُُ ایچ ای سی ءِ کلانہ ایں کارندہ آں بھر زوری کت ۔ پروفیسر ڈاکٹر عطاء الرحمن ءَ شریکیں مردم آناں مزن وزیر کارگس ءَ را یونیورسٹی ءِ جوڑیشت ءِ ھوالگ ءَ دیمروئی کار آنی بابت ءَ سرپد کت ۔ وزیر آناں گوشگ بوت کہ منصوبگ ءِ چیر دستی ءَ مزن وزیر کارگس ءَ را شاہ دربر جاہ ءَ 3سنٹر آف ایکسیلینس ءُُ 8ڈیپارٹمنٹ بنت انت ایشانی تہ ءَ نوکیں ٹیکنالوجی ءِ دیمروئی ءِ سر ءَ ھاسیں دلگوشی دیگ بیت ۔ یونیورسٹی ءَ 1000ءَ چہ گیش پی ایچ ڈی ءُُ پوسٹ ڈاکٹریٹ فیلو ءُُ 200 فیکلٹی ممبر آناں جاھ بیت انت ۔ آئی ءَ اے گپ ساپ کت کہ بنداتی فزیبلٹی سٹڈی ءِ واستہ 200ملین کلدار پکار انت ۔ اے موہ ءِ سر ءَ بنجاھی وزیر اسد عمر ءَ وزارت ءِ سائنس ءُُ ٹینکنالوجی ءَ را پنت ءُُ شونگ کت کہ یونیورسٹی ءَ گوں سیادی داروکیں ٹیکنالوجی ءِ سر ءَ فوکس کنگ ءِ واستہ یک ھاسیں کمیٹی ءِ جوڑ کنگ بہ بیت ایش پاکستان ءَ مینوفیکچرنگ انڈسٹری ءِ کمک ءَ کت بکنت ۔ منصوبگ بندی ءِ وزیر ءَ یونیورسٹی ءَ را شاہ دربر جاہ ءَ وظیفہ آنی بابت ءَ گوشت ۔