چیئرمین سینیٹ صادق سنجرانی ءِ بحرین ءِ بادشاہ حماد بن عیسیٰ الخلیفہ، چیئرمین شوریٰ کونسل علی بن الصالح ءُُ وزیر توکی کار ءَ گوں گند ءُُ نند

وت مہ وتی واھگی کار آں ھوار دو نیمگی ارزشتی کار آنی سرءَ ھیال ریچی کنگ بوت

اسلام آباد ۔ 19 فروری (اے پی پی) چیئرمین سینیٹ محمد صادق سنجرانی ءَ بحرین ءِ بادشاہ حماد بن عیسیٰ الخلیفہ، شوریٰ کونسل ءِ چیئرمین علی بن الصالح ءُُ بحرین ءِ توکی کار ءَ گند ءُُ نند کت ۔ اے گند ءُُ نند ءَ چیئرمین سینیٹ ءِ ھمبراھی ءَ سینیٹر فدا محمد ، مرزا محمد آفریدی، سجاد حسین طوری، حافظ عبدالکریم، منظور کاکڑ، عابد عظیم، کیشو بائی ءُُ کلثوم پروین ھم ساڑی اتنت ۔ بحرین ءِ شوریٰ کونسل ءِ چیئرمین ءَ گوں گند ءُُ نند چیئرمین سینٹ ءَ دو نیمگی پارلیمانی رابطہ ءُُ ڈلی تک ءَ ھیال ریچی ءِ سر ءَ زور دات ۔ آئی ءَ گوشت کہ پاکستان بحرین ءِ گوما وتی دو نیمگی یکوئی آناں باز شرپ دنت ءُُ مئے واھشت انت کہ اے دوئیں یکوئی آناں جوانی ءُُ گیش پزور ی رسیت ۔ آئی ءَ گوشت کہ پارلیمانی ڈل ءِ وت مہ وتی نزیکی ءَ چہ الس وت مہ وت گیش نزیک بوھگ ءَ کمک رسیت ءُُ کمکی نوکیں در پچ بیت ۔ چیئرمین سینیٹ ءَ او آٗئی سی ءُُ بنی آدمی ھکی کونسل جنیوا ءِ پلیٹ فارمز ءِ سر ءَ کشمیر ءِ جیڈھ ءِ سر ءَ کمک کنگ ءِ پد آئی ءِ شگر ءُُ منت واری گپت ۔ چیئرمین سینیٹ ءَ گوشت کہ دوئیں ملک آنی نیام ءَ میاں اوستمانی فورمز آنی تہ ءَ جوانیں یکوئی گندگ بوتگ آئی ءَ گوشت کہ مقبوضہ کشمیر ءَ بھارتی اُرد آنی دست ءَ بنی آدمی ھک آنی لگت مالی ءَ را ھپت ماھ گوستگ کرفیو ءَ چہ کودکیں کشمیر الس آنی زندمان سک نہ گیگ انت ۔ پاکستانی ڈک ءَ بحرین ءِ بادشاہ حماد بن عیسیٰ الخلیفہ ءَ گوں گند ءُُ نند کت ءُُ دو نیمگی واھگی کار آنی سر ءَ ھیال ریچی کت ۔