اسلام آباد ۔ 19 فروری (اے پی پی) مزن وزیر ءِ مشیر برائے تجارت، صنعت ءُُ سرمایہ کاری عبدالرزاق داءود ءَ گوشت کہ وزارت ءِ تجارت 26 شوبگ ءَ برآمدی چیز آناں گیش ودینگ ءِ واستہ یک ٹوھیں گامگیج ءِ تیار کنگ ءَ انت ۔ برآمدی چیز آنی گیشی ءُُ درآمدی چیز آنی سر ءَ سبسٹی ٹیوشن ءِ وسیلگ ءَ معاشی برجائی ءِ نیمگ ءَ دیمروئی کار حکومت ءَ اولی کار آنی تہ ءَ ھوار انت ۔ حکومت گوستگیں وھد ءَ ٹیکسٹائل ءِ صنعت ءِ سر ءَ گیش بڈو بوتگ وھدیکہ مئے ٹیکسٹائل ءِ چیز میاں اوستمانی لوٹ آنی رد ءَ نہ بوتگ انت ۔ ایوک ءَ ٹیکسٹائل 100ارب ڈالر ءِ برآمد کنگ ءِ سیم سر در جنگ بس نہ انت ۔ اے ھیالانی درشانی آئی ءَ چار شمبے ءِ رو چءَ اسلام آباد ءَ درمان جوڑ کنوکیں کمپنی آنی کانفرنس ءَ گوں گشتانک دیان ءَ کت ۔ پاکستان ءِ دوا جوڑ کنوکیں کمپنی ءَ ھندی ہوٹل ءَ یک کانفرنس ءِ برجم دارگ بوت ایشی ءِ مول ءُُ مراد پاکستان ءِ برآمدی دوا ءُُ درمان ھاسیں رنگ ءَ گیش کنگ ءِ ھوالگ ءَ رد ءُُ بند کنگ انت ۔ کانفرنس ءَ گوں گشتانک دیان ءَ میشر ءِ تجارت ءَ گوشت کہ حکومتی معاشی گامگیج ءِ تہ ءَ بنیاتی لیکہ درآمدی چیز آنی گستائی ءُُ برآمدی چیز آنی تہءَ گیشی انت ۔
