اسلام آباد۔ 19 فروری (اے پی پی) سی پیک اتھارٹی نا چیئرمین لیفٹیننٹ جنرل (ر) عاصم سلیم باجوہ پارینے کہ اپریل 2020ء ٹی اسیجا کمکار کمیٹی (جے سی سی) نا دیوان کن دے ٹکی و دیکی روٹ انا ڈٹ آتا بابت تیاریک برجاءُ۔ چارشنبے نادے آ ٹویٹ اٹی اوپارے کہ دا بابت سیکرٹری مواصلات جواد رفیق ملک اتون اوڑدہی ٹی اپریل 2020ء ٹی بروک آ جے سی سی نا تیاری کن دے ٹکی و دیکی ہڑتوم آ کسر آتون اوار اوار بروک آ و آخبت سڑک/موٹروے ڈٹ آتے پورو کننگ نا سرجم ڈٹ آتیا گپ و تران کننگا۔ وزارت مواصلات و این ایچ اے بروک آ ڈٹ آتے کن گچین تیار ی کرینو۔
