اسلام آباد۔ 19 فروری (اے پی پی) وزیر خارجہ شاہ محمود قریشی پارینے کہ ترک صدر و اقوام متحدہ نا سیکرٹری جنرل نا سرسہب دورہ غاتیان پاکستان نا مثبت دروشم تالان مسنے۔ داہیت ءِ او چارشنبے نادے آ ترک صدر و اقوام متحدہ نا سیکرٹری جنرل نا سرسہب دورہ پاکستان نا اڈتننگ آ دفترخارجہ ٹی اڈ ہلوک آ دود آن تران کرسا پارے۔ وزیر خارجہ شاہ محمود قریشی سرسہب دورہ غاتا اڈتننگ آ دفترخارجہ نا کمامدارآتے مبارکبادی تس۔ دود اٹی سیکرٹری خارجہ سہیل محمود و پارلیمانی سیکرٹری عند لیب عباس ئسک بشخ ہلکر۔ وزیر خارجہ پارے کہ اوغان باہوٹ آتا کانفرنس نا سرسہب اڈتننگ اہم ءُ مزل نا نشان اسے۔ ہڑتوم آ دورہ غاتا سرسہب اڈتننگ آن پاکستان نا مثبت دروشم تالان مسنے۔ وزیر خارجہ پارے کہ 4دہائی تیا تالان اوغان باہوٹ آتا مہمانداری پاک اوغان ایلمی نا عملی شاہدی ءِ۔
