اسلام آباد۔ 19 فروری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ بھارت آ انسانی حق انا شرف و اقوام متحدہ نا قرارداد آتا رداٹ کشمیر نا ویل انا ایسری کن جہانی زور ہر تدوک آ دے اتون ودنگ ءِ۔ نجی ٹی وی چینل تون گپ و تران کرسا اوپارے کہ ہمووخت مر اف ہراتم نریندر مودی بھارت نا زیر انتظام کشمیر اٹی تینا پالیسی تے توننگ آ بیوس مریک۔ چوہدری فوا دحسین پارے کہ ای پاکستانی الس نا کنڈآن اقوام متحدہ نا سیکرٹری جنرل انتونیوگوتریس نا منت واری ءِ ہرفیوہ کہ او تنازعہ کشمیر نا بابت پاکستان نا بیانیہ ءِ پک کرینے و وزیراعظم عمران خان اقوام متحدہ نا جنرل اسمبلی نا فورم و ایلو وارخواہی تیا کشمیر نا ویل ءِ جوان وڑاٹ تالان کرے۔
