اسلام آباد۔ 19 فروری (اے پی پی) اینخو مالی سال اٹی پاکستان اٹی براہ راست زرکاری (ایف ڈی آئی) کروک آ ملک آتے ٹی چین سرفہرست وخت اس کہ ناروے ارٹ میکو و مالٹا مسٹ میکو نمبر آ ئس۔ اسٹیٹ بینک آف پاکستان(ایس بی پی) نا حساب وکتا ب نا رداٹ جاری مالی سال انا اولیکو 7 تُو اٹی جولائی آن جنوری 2019-20ء ٹی چین نا کنڈآن 532.8 ملین ڈالر نا براہ راست زرکاری کننگا نے وخت اس کہ تدوک آ مالی سال انا ہندا وخت اٹی چین پاکستان اٹی 282.6ملین ڈالر نا ایف ڈی آئی کریسس۔ ہنداوڑ تدوک آ مالی سال نا مقابلہ ٹی اینخو مالی سال اٹی پاکستان اٹی کروک آ چینی ایف ڈی آئی ٹی 250.2ملین ڈالر نا نمان ودکی ریکارڈ کننگانے۔ ایس بی پی نا رداٹ جاری مالی سال اٹی ناروے پاکستان اٹی 288.5ملین ڈالر نا براہ راست درملکی زرکاری کرینے وخت اس کہ تدوک آ مالی سال نا ہندا وخت اٹی ناروے نا کنڈآن پاکستان اٹی بیرہ 3.9 ملین ڈالر نا ایف ڈی آئی کریسس ہنداوڑ تدوک آ مالی سال انا مقابلہ ٹی اینخو نا مالی سال اٹی ناروے نا زرکاری ٹی 284.6ڈالر نا نمان ودکی مسنے و ہنداوڑ مالٹا نا زرکار آتا کنڈآن پاکستان اٹی کروک آ براہ راست درملکی زرکاری نا کچ 81.6 ملین ڈالر نا مقابلہ ٹی 129.6ملین ڈالر اسکان ودا۔
