کوئٹہ۔ 19 فروری (اے پی پی) خاتون اول ثمینہ عارف علوی تون چارشنبے نادے آ گورنر ہاؤس کوئٹہ ٹی مسکوہی سینیٹر روشن خورشید بروچہ نا کماشی ٹی ایس او ایس ویلج نا مار و مسنک اوڑدہی کریر۔ داوخت بیگم گورنر بلوچستان ڈاکٹر ثمینہ امان و باسک صوبائی اسمبلی شاہینہ کاکڑ، خاتون اول تون اوار ئسر۔ چیئرپرسن ایس او ایس ویلیج و مسکوہی سینیٹر روشن خورشید بروچہ خاتون اول ءِ ایس او ایس ویلیج نا کارکڑد و آخبت نا لائحہ عمل آن معلومدار کرے۔ داوخت آ خاتون اول ثمینہ عارف علوی پارے کہ نادرا و بے سیبو چناتتون اواری اٹ ذہنی سکون میسر مس و دا چناک بھاز انگا لائخی تخرہ۔ اوفتا اودیم لائخی تے مون آ اتنگ نا بابت ایس او ایس ویلیج نا چیئرپرسن و اونا مچ آ ٹیم نا سخت کوشست آک ستاکڑزرہ۔ خاتون اول پارے کہ راج اٹی ہر ذی فہم بندغ نا دا قومی فرض مریک کہ او بے سیبو چناتا سیبو مرسا تینا بشخ انا پبی کڑد ءِ ادا کیر۔ اوداہیت آ یخین نا درشانی ءِ کرے کہ ایس او ایس ویلیج نا کمکاری و راہشونی آن دا چناک راج انا کاریمی و جوان ءُ شاری جوڑ مریرہ۔
