وزیر اعلیٰ بلوچستان جام کمال خان نا سول ہسپتال ٹراما سینٹر نا دورہ، ٹھپی مروک آتا جان پڑسی ءِ کرے

کوئٹہ۔ 18 فروری(اے پی پی) وزیر اعلیٰ بلوچستان جام کمال خان سول ہسپتال ٹراما سینٹر نا دورہ کرے۔ وزیر اعلیٰ بلوچستان تدوک آدے انا بمب دھماکہ نا ٹھپی مروک آتا جان پڑسی ءِ کرے و ٹھپی مروک آتا زوت جان جوڑی کن نیک است خواہی تا درشانی ءِ کرے، دا وخت آ وزیراعلیٰ پارت کرے کہ ٹھپی تے درمان نا گچین آسراتی تا فراوانی ءِ پک کننگے، وزیر اعلیٰ اسہ بھاز ٹھپی مروک اوسے دمدستی وڑاٹ ایئرایمبولینس نا کمک اٹ کراچی آ گدریفنگ نا پارت کرے۔ ٹھپی مروک آتا دوست و قریب آتون گپ وتران کرسا وزیراعلیٰ نا پاننگ اس کہ بمب دھماکہ نا زموار آتے ہرحال اٹ اوفتے اوفتا کروک نا سزا تننگک و ٹھپی مروک آتا ہروڑاٹ درمان ءِ کننگک۔