اسلام آباد۔ 18 فروری (اے پی پی) بنجاھی وزیر عمران خان ءَ بنجاھی دارالحکومت ءَ جان سلامتی آسراتی ءِ پجاری ءِ ھوالگ ءَ شکاست آنی سر ءَ ترندی ءَ نوٹس زوران ءَ گوشت کہ شہری آنی جان سلامتی ءِ آسراتی ءِ رد ءَ اچ رنگ ءَ کوتاھی برداشت نہ کناں، سرکاری ہسپتال آنی انتظامیہ ءَ را برجا کنگ، ہسپتال ءُُ جان سلامتی بنجاھ آنی تہ ءَ مردمی ھاٹیگ ءِ کمیگ ءَ را پیول کنگ ءُُ جان سلامتی آسراتی ءُُ درمان آنی پجاری ءِ سر ءَ ھاسیں دلگوشی دیگ بہ بیت، وانگ جاھ آنی تہ ءَ استاد آنی کمیگ ءَ را پورا کنگ بیت، وانگ ءُُ زانگ ءِ آسراتی ءِ واستہ توامیں لوٹ بوتگیں آسراتی پجارینگ بیت، اسلام آباد ءَ توامیں نندگی کالونی آنی تہ ءَ سی ڈی اے ءِ کانود آنی ھلاپ کنگ ءِ واستہ مردم ءُُ سوسائٹی ملک آنی نشان دیگ بہ بیت۔ اے ھیالانی درشانی آئی ءَ سے شمبے ءَ بنجاھی دارالحکومت ءَ جان سلامتی، وانگ ءُُ زانگ ءُُ ایندگر شہری مردم آنی آسراتی ءِ ھوالگ ءَ چار ءُُ تپاسی دیوان ءِ سروکی ءَ کنان ءَ کت۔۔ دیوان ءَ بنجاھی وزیر وانگ ءُُ زانگ ءُ کزبی ھیل کاری، شفقت محمود، بنجاھی وزیرِ توکی کار اعجاز احمد شاہ، بنجاھی وزیرِ منصوبہ بندی اسد عمر، مزن وزیر ءِ ھاسیں کمکار برائے سی ڈی اے علی نواز اعوان، راجی اسمبلی ءِ باسک را جا خرم شہزاد، سیادی داروکیں بنجاھی سیکرٹری ءُُ ایندگر کلانہ اپسرگ شریک اتنت۔ سیکرٹری جان سلامتی ڈاکٹر اللہ بخش ءَ بنجاھی دارالحکومت ءَ جان سلامتی ءِ آسراتی ءِ گہتری ءِ بابت ءَ چست کتگیں گامگیج ءَ چہ مزن وزیر ءَ را سرجمیں بریفنگ دات۔ سیکرٹری جان سلامتی ءَ گوشت کہ اے سال جون ءَ تاں دارالحکومت ءَ استیں چار کمیونٹی ہیلتھ سنٹرز ءُُ شانزدھ بنیاتی بنجاھی جان سلامتی ءَ را سرجمیں رنگ ءَ برجا کنگ بیت ایشی ءِ بدولت ءَ بنجاھی داراالحکومت ءَ جان سلامتی آسراتی پجارینگ ءَ گہتری کئیت۔ چار ٹوھیں ہسپتال آں ی تہ ءَ نادُراھ ءَ جوانیں جان سلامتی ءِ آسراتی ءَ پجاری ءَ ھم الکاپیں کمک رسیت۔ سیکرٹری جان سلامتی ءَ گوشت کہ اے گامگیج آنی گوما بنجاھی دارالحکومت ءِ جی الیون سیکٹر ءَ پولی کلینک ٹو ءِ جوڑیشت، پمز ءَ نوکیں ایمرجنسی وارڈ ءُُ سرائے خربوزہ ءَ نوکیں ہسپتال ءِ جوڑیشت ءِ ھم منصوبگ بندی کنگ بوھگ ءَ انت تانکہ جان سلامتی ءِ کد ءُُ بالاد آسراتی بنجاھ آنی تہ ءَ گیش گیشی کنگ بیت۔ مزن وزیر ءَ وزیر ءِ توکی کار ءَ را پنت ءُُ شون کت کہ اسلام آباد پولیس ءِ ضلورت ءُُ لوٹ بوتگیں السی مالی آسراتی آنی سر ءَ چار ءُُ تپاسی گرگ گامگیج کنگ بہ بیت تانکہ دارالحکومت ءَ را سیکورٹی ءِ رد ءَ یک ماڈل شہر ءِ جوڑ کنگ ءَ دل یکیمی بوت بہ کنت۔
