بلوچستان ءَ بارڈر مارکیٹس آنی کار گام آناں ترند کنگ بہ بیت، فوڈ آئٹمز آنی شپوکی کنگ ءَ چہ نیاد گیش بنت ءُُ لس مردم ءَ را تاوان رسیت ایشرا اچ رنگ ءَ منگ نہ بیت، شپوکی ءِ سبب ءَ ملکی معیشت ءَ را اربانی کلدار تاوان رسگ ءَ انت، شپوکی ءِ گر ءُُ دار راجی سیت ءِ جیڈھ انت ایشی ءِ تہ ءَ بُکگ سگگ نہ بیت، مز ن وزیر عمران خان

مزن وزیر ءِ شپوکی ءِ گر ءُُ دار ءِ واستہ سرجمیں ملک ءَ مزنیں کساس ءَ زوتاں زوت ایشرا گر ءُُ دار ءِ حکم
مزن وزیر عمران خان ءِ سروکی ءَ وردن ءُُ وراکی چیز ءُُ ایندگر چیز آنی سمگلنگ ءِ گر ءُُ دار ءِ ھوالگ ءَ دیوان، آئی بی، آئی ایس آئی ءُُ ایف آئی اے ءَ را شپوکی ءِ ھلاپ ءَ جوانیں گامگیج آنی مانیٹرنگ رپوٹ آناں پیش کنگ ءِ پنت ءُُ شون
اسلام آباد۔ 18 فروری (اے پی پی) مزن وزیر عمران خان ءِ شپوکی ءِ گر ءُُ دار ءِ واستہ سرجمیں ملک ءَ مزنیں کساس ءَ زوتیں گر ءُُ دار کنگ ءِ حکم داتگ وھدیکہ آئی بی، آئی ایس آئی ءُُ ایف آئی اے ءَ را شپوکی ءِ ھلاپ ءَ جوانیں گر ءُُ دار ءِ مانیٹرنگ رپوٹ یک شل ءَ پیش کنگ ءُُ بلوچستان ءَ بارڈر مارکیٹس آنی برجائی ءِ منصوبگ ءِ گام ترند کنگ ءِ پنت ءُُ شون کتگ۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ سئے شمبے ءَ مزن وزیر عمران خان ءِ سروکی ءَ وردن ءُُ وراکی چیز ءُُ ایندگر سامان آنی شپوکی ءِ گر ءُُ دار کنگ ءِ ھوالگ ءَ مزن تکی دیوان ءَ سروکی کنگ ءَ انت۔ دیوان ءَ وزیر برائے نیشنل فوڈ سیکورٹی مخدوم خسرو بختیار، وزیر منصوبگ بندی اسد عمر، مشیر تجارت عبدالرزاق داؤد، سیکرٹری توکی کار، سیکرٹری نیشنل فوڈ سکیورٹی، ادارُکی چیئرمین ایف بی آر، صوبائی ہوم سیکرٹریز ءُُ ایندگر کلانہ ایں اپسرگ آں بھر زوری کت۔ مزن وزیر ءَ وزارت ءِ توکی کار، کانود ءَ را مھکم داروکیں بنجاھی ءُُ صوبائی ادارگ، ایف بی آر، صوبائی حکومت آناں یکجائی رنگ ءَ شپوکی ءِ ھلاپ ءَ کاروائی کنگ ءِ پنت ءُُ شون کت وھدیکہ وزارت ءِ توکی کار ءَ را حکم داتگ کہ آ آیوکیں 48کلاک آنی تہ ءَ کتگیں گامگیج ءُُ جوانیں کار رھبندی رپوٹ پیش بکن انت۔ مزن وزیر ءَ سمگلنگ ءِ گر ءُُ دار ءِ واستہ جوڑ کتگیں ٹاسک فورس ءِ سپارش آنی رد ءَ لُکوکیں، دراج بُریں گامگیج بندات کنگ ءِ ھم پنت ءُُ شون کت۔ مزن وزیر ءَ آئی بی، آئی ایس آئی ءُُ ایف آئی اے ءَ را سمگلنگ ءِ ھلاپ ءَ جوانیں کریک ڈاؤن ءِ مانیٹرنگ رپورٹ یک شل ءَ پیش کنگ ءِ پنت ءُُ شون ھم کت۔ اے موہ ءِ سر ءَ دیوان ءَ روبرکتی سیم سر بارڈر مارکیٹس آنی برجائی ءِ رپوٹ ھم پیش کنگ بوت۔ مزن وزیر ءَ پنت ءُُ شون کت کہ بلوچستان ءَ بارڈر مارکیٹس آنی برجائی ءِ پد ءَ دیمروئی گامگیج آناں ترند کنگ بہ بیت۔ آئی ءَ گوشت کہ فوڈ آئٹمز آنی شپوکی ءَ چہ نیاد آنی تہ ءَ گیشی ءُُ لس مردم آماچ بنت، ایشرا اچ رنگ ءَ سگگ نہ بیت، شپوکی ءِ سبب ءَ اربانی کلدار ءِ تاوان رسگ ءَ انت۔ آئی ءَ گوشت کہ ایرانی ٹیل ءِ ھوالگ ءَ ٹوھیں پالیشی جوڑ کنگ بہ بیت، شپوکی ءِ گر ءُُ دار ءِ واستہ ٹیکنالوجی ءَ را کارمرد کنگ بہ بیت۔