اقوام متحدہ ءِ سیکرٹری جنرل کرتار پور راہداری ءِ تر ءُُ تاب، بھارت ءَ درئی نیک راھ آنی منوک آنی ھلاپ ءَ کانود جوڑ کنگ ءِ پد ءَ جاک ءُُ کوکار کنگ ءَ انت
اسلام آباد۔ 18 فروری (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ میاں اوستمانی برات بھارت ءَ کشاں چیلی شہریت کانود ءُُ بنی آدمی ھک آنی لگت مالی ءَ را چارگ ءَ انت، اقوام ءِ متحدہ ءِ سیکرٹری جنرل کرتار پور راہداری ءِ تر ءُُ تاب، بھارت ءَ درئی نیک راھ آنی منوک آنی ھلاپ ءَ کانود جوڑ کنگ ءِ پد ءَ جاک ءُُ کوکار کنگ۔ مزن وزیر عمران خان ءِ سروکی ءَ پاکستانی حکومت درئی نیک راھ آنی منوکیں مردم آناں وتی سینگ ءَ جنگ ءَ انت وھدیکہ بھارتی حکومت مقبوضہ کشمیر ءَ بنی آدم آناں بے شرپ کنگ ءَ انت، بھارت ءِ اندر ءَ مسلمان ءُُ گور آنی بن گپ ءَ را لٹ ءُُ کٹ ءِ سرکار ھم لگت مال ءُُ سر گچل کت نہ کنت، بھارتی حکومت کرفیو جتگیں کشمیر ءَ اقوام ءِ متحدہ ءِ منوگر آنی تلپچی ءَ چیوا گرگ ءَ انت، وھد اتکگ کہ بزگیں کشمیر کشمیر ءِ ھولگ ءَ اقوام ءِ متحدہ ءِ سیکرٹری جنرل ءِ بیان، مذمت ءُُ گہتری ءَ را یک شلیں رنگ ءَ مٹ بوھگ ءَ بہ چار انت، اپوزیشن ءَ نندوکیں سیاسی لیبی آں گوں اپیل انت کہ پی ایس ایل ءَ چہ سبک بہ زور انت سیاسی گراؤنڈ ءَ سیاسی دیم پہ دیمی ءِ واستہ سیاسی میچ ءِ ودار ءَ بکن انت۔ آ سئے شمبے ءِ روچ ءَ پی آئی ڈی ءَ چترال پریس کلب ءِ نوک گچین بوتگیں کارندہ آنی سوگندی مراگش ءَ اھوالکاراں گوں گشتانک دیان ءَ کت۔
