پاکستانی حکومت پولیو ءِ ھلاپ ءَ جنگ ءَ مڈگ ءَ انت، پاکستان ءَ چہ پولیو ءِ ھلاسی ءَ کناں پاکستان گوستگیں وھد ءِ مٹ ءَ نوں سک باز ایمنیں ملک ات، ادا آیگ ءَ چہ سک باز گل بوتگ آں سیکرٹری جنرل اقوام متحدہ انتونیو گوتریس

لاہور۔18 فروری(اے پی پی)سیکرٹری جنرل اقوام متحدہ انتونیو گوتریس ءَ گوشت کہ پاکستانی حکومت پولیو ءِ ھلاپ ءَ جنگ ءَ مڈگ ءَ انت، پاکستان ءَ چہ پولیو ءِ ھلاسی ءَ کناں، پاکستان گوست ءِ مٹ ءَ نوں سک باز ایمنیں ملک ات، ادا آیگ ءَ پد سک باز وشی بوتگ۔ اے ھیالانی درشانی آئی ءَ سئے شمبے ءَ کنڈرگارٹن سکول ڈیفنس ءَ زھگ آناں پولیو ءِ پٹوکی ءِ وارینگ ءِ گامگیج ءِ ساھت ءَ گشتانک دیان ءَ کت۔ اے موہ ءِ سر ءَ وزیر ءِ جان سلامتی پنجاب ڈاکٹر یاسمین راشد، صو بائی سیکر ٹری محکمہ پرائمری اینڈ سیکنڈری ہیلتھ کیئر کیپٹن (ر) محمد عثمان یونس ءُُ اقوام متحدہ ءِ ممبر، ڈائریکٹر ڈی ایچ اے ایجوکیشن سسٹم بریگیڈیئر (ر) راحیل اشرف ساڑی اتنت۔ انتونیو گوتریس ءَ گوشت کہ پاکستان ءَ چہ پولیو ءِ ھلاسی ءَ کناں۔ شمے دوستی ءُُ واھگ داری ءِ پد ءَ شمے منت وار آں، ملک ءَ چہ پولیو ءِ نادُراھی ءِ ھلاسی ضلوری انت، من یکوئی ءِ درشان ءِ واستہ پاکستان ءَ اتکگ آں، مئے اولی ترجی انت کہ سرجمیں دگنیا ءَ چہ پولیو نادُراھی ءِ ھلاسی بہ بیت۔ آئی ءَ گوشت کہ پاکستان ءِ حکومت پولیو ءِ ھلاپ ءَ جنگ ءَ مڈگ ءَ انت۔ آئی ءَ گوشت کہ من سرجمیں دگنیا ءِ لیڈر آں گوں دزبندی کناں کہ آ درست یک مشتی ءَ پولیو ءِ ھلاسی ءِ واستہ گامگیج بکن انت۔ آئی ءَ گوشت کہ پاکستان ءَ آیگ ءِ وجہ ءَ سک باز گل ءُُ شات بوتگ آں۔ آئیءَ گوشت کہ پاکستان گوستگ ءِ مٹ ءَ نوں گیش ایمنیں ملک ات، آئی ءَ گوشت کہ پولیو ورکرز آناں توسیپ ءُُ ستا پیش کناں کہ آواں پولیو ءِ ھلاسی ءِ واستہ وتی زندمان کربان کتگ۔