وزارت ءِ توکی کار ءِ راھبند آں چہ مردم آنی پجار وکی ءَ آسانی بوتگ
اسلام آباد۔ 18 فروری (اے پی پی) وزیر ءِ توکی کار اعجاز احمد شاہ ءَ گوشت کہ ما ترکی ءِ نیمگ ءَ پاکستان ءِ ھمک فورم ءَ سپورٹ ءِ واستہ شگر ءُُ منت وار آں، ترک صدر ءِ تر ءُُ تاب ھم سک باز کامیات ات، وزارت ءِ توکی کار ءِ جوڑ کتگیں رھبند آنی چیر دستی ءَ مردم آنی پجاروکی ءَ آسانی بیت۔ اے ھیالانی درشانی آئی ءَ ترکی ءِ ڈپٹی وزیر ءِ توکی کار اسماعیل گاتلاکی ءَ گوں گند ءُُ نند ءِ ساھت ءَ تران کت۔ گند ءُُ نند ءَ وت مہ وتی کار ءُُ ارزشتی ایں جیڈھ باست ءُُ واست کنگ بوت انت ءُُ لڈ ءُُُ بار کنوکیں مردم ءُُ گیر کانودی رنگ ءَ نندوکیں مردم آنی جیڈھ آنی ھوالگ ءَ گپ ءُُ تران کنت بوت۔ اے موہ ءِ سر ءَ ترکی ءِ سفیر مصطفی احسان یرداکل ھم شریک ات۔ ترکی ءِ وزیر ءَ پاکستان ءِ نیمگ ءَ گیشاں چہ گیش کمک کنگ ءِ پد ءَ شگر ءُُ منت گپت ءُُ گوشت کہ دوئیں ملک آنی نیام ءَ یکوئی آنی گہتری ءَ وزارت ءِ توکی کار ارزشتی ایں کرد ات۔ اعجاز شاہ ءَ گوشت کہ ما ترکی ءِ نیمگ ءَ پاکستان ءِ ھمک فورم ءِ سر ءَ سپورٹ ءِ واستہ شکر گزار انت، ترک صدر ءِ تر ءُُ تاب ھم سک باز کامیات ات۔ آئی ءَ گوشت کہ وزارت ءِ توکی کار ءِ راھبند آں چہ مردم آنی پجاروکی ءَ آسانی بوتگ، گیر کانودی سفر ءِ گر ءُُ دسار ءِ واستہ ائیر پورٹس ءِ سر ءَ سیکورٹی ترند انت ءُُ دروگیں کاگد آنی سر ءَ سفر بوت نہ کنت۔ آئی ءَ گوشت کہ مئے ٹیمب ءِ الیکٹرانک پاسپورٹ ءِ پجار کنائینگ ءِ شور ءُُ سلاھ زوت پد ءُُ رند کنگ بیت، امیت انت کہ توامیں جیڈھ آناں سرجمیں رنگ ءَ گیوار کناں۔
