اسلام آباد۔ 18 فروری (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ 17فروری ءَ چہ سرجمیں ملک ءَ راجی پولیو ءِ گر ءُُ دار جاڑی انت ءُُ حکومت اے ھوپ ءِ ھلاسی ءِ واستہ جزمیگ انت، استیں گامگیج ءَ 39ملین ءَ چہ گیش زھگ آناں پولیو ءِ پٹوکی وارینگ ءِ کساس پورا کتگ ایشی ءِ واستہ 2 لکھ 65ہزار پولیو ورکرز بھر زورگ ءَ انت۔ ھاسیں کمکار ءَ گوشت کہ پولیو ءِ گر ءُُ دار کنگ ءِ کار ءِ تہ ءَ فرنٹ لائن ورکرز مئے راستیں بامرد انت ایشانی ازمت آناں توسیپ ءُُ ستا پیش کناں، حکومت پولیو ءِ ھلاسی ءِ واستہ جنگی بنیات آنی سر ءَ جوانیں گامگیج کنگ ءَ انت۔ ڈاکٹر ظفر مرزا ءَ گوشت کہ کودکیں زھگ مئے آیوکیں باندات ءِ برورد انت، الس آں گوں دزبندی انت کہ وتی زھگ آناں نادُراھی ءَ چہ پچارینگ ءِ واستہ پولیو ءِ پٹوکی ءَ ضلور بوارین انت۔ پولیو ءِ جنگ ءَ را الس ءِ ھواری ءَ ابید باج برگ بوت نہ کنت۔ پولیو ءِ پٹوکی ءِ ورگ ءَ چہ بچ اتگیں زھگ آناں زوت زوتیں رد ءَ پولیو ءِ ٹیمب آوانی گس ءَ رونت ءُُ پٹوکی ءَ وارین آں۔
