اسلام آباد۔ 17 فروری (اے پی پی) اقوام متحدہ ءِ سیکرٹری جنرل انتونیو گوترس ءَ گوستگیں چیل سال آں چہ اوگان لڈ ءُُ بار کنوکیں مردم آناں دل پھکی ءَ گوں میزبانی کنگ ءِ پد ءَ پاکستان ءَ را توسیپ ءُُ ستا پیش کنان ءَ گوشت کہ پاکستانی الس ءُُ حکومت ءَ اوگان مہاجر آنی واستہ نا ایوک ءَ گس بلکینگ ءَ وتی دل آنی دریگ ھم پچ کتگ انت، میا ں اوستمانی برات لکھانی لڈ ءُُ بار کنوک آنی مردم آنی میزبانی ءِ پد ءَ پاکستان ءَ را کمک بکن انت۔ اوگان لڈ ءُُ بار کنوک آنی ایمنی ءَ گوں واتری ءِ واستہ جاور جوان معاشی، سیاسی ءُُ چاگردی جاور پیداک کنگ میاں اوستمانی برات آنی زمہ واری انت، اوگانستان ءَ ایمنی ءَ را موہ دیگ لوٹ ایت، پاکستان اوگانستان ءَ ایمنی ءِ برجائی ءِ جزمیگ انت۔ اوگان حکومت ءُُ الس ءِ سروکی ءَ ایمنی ءِ کار اوگان جیڈھ ءِ ایوکیں گیواری انت، مقبوضہ کشمیر ءَ گوں سیادی داروکیں اقوام ءِ متحدہ ءِ منوگری ءُُ بنی آدمی ھک آنی شرپ کنگ المی انت، سفارتکاری ءُُ سول ءُُ تران ءَ چہ درستیں جیڈھ گیوار بوت کن اَنت۔ دوشمبے ءَ اوگان لڈ ءُُ بار کنوکیں مردم آنی چیل سال ءَ تاں میزبانی کنگ ءِ ھوالگ ءَ میاں اوستمانی کانفرنس ءِ موہ ءِ باست ءُُ واست ءِ ساھت ءَ وزیر ءِ درئی کار شاہ محمود قریشی ءِ ھمبراھی ءَ پریس کانفرنس ءَ گوں گشتانک دیان ءَ سیکرٹری جنرل ءَ گوستگیں چیل سال ءَ چہ اوگان آنی میزبانی گوں پھکیں دل ءَ کنگ ءِ پد ءَ پاکستان ءَ را توسیپ ءُُ ستا پیش کت ءُُ گوشت کہ پاکستان ءَ ایمنی ءُُ شاتی ءَ گوں میزبانی کتگ۔ میاں اوستمانی برات لکھانی لڈ ءُُ بار کنوک آنی مردم آنی میزبانی کنگ ءِ پد ءَ پاکستان ءِ کمک ءَ بکن انت۔
