مزن وزیر عمران خان ءِ چارءُُ تپاسی دیوان ءَ گوں تران

اسلام آباد۔ 17 فروری (اے پی پی)مزن وزیر عمران خان ءَ گوشت کہ مہلوک ءَ را ریلیف دیگ ءِ ھاترا بنیاتی وردنی چیزانی نہادانی تہ گہبودی ءُُ ایشی ءِ نہاداں کمی آرگ حکومت ءِ اولی دلگوشی انت،آہاں گڈنی داتگ کہ گندیم،شکر ءُُ دگہ وردنی چیزانی سٹاک ءِ راستیں ڈیٹا ءُُ ڈیمانڈ ءُُ سپلائی ءِ ھوالہ چہ سحی ءِ اسٹی میٹ ءِ سرا ھاسیں دلگوشی دیگ بیت تنکہ بنیاتی چیزانی پھجارگ ءَ را سدکی جوڈ کنگ ءِ ھاترا پیشگی بندوبوج کنگ بنت، سمگلنگ ءُُ ذخیرہ اندوزی ءِ ھلاپ ءَ ھاسیں دلگوشی دیگ بوھگ انت۔صوبائی حکومت گندیم ءِ نہادانی تہ کمی ءِ ھوالہ چہ شؤر ءِ سرا زوتیں وڈ ءَ چار ءُُ بچار ءَ کن انت تنکہ ایشی ءِ تچکی ءَ گوں جار جنئگ بیت۔اے ھیالانی درشان مزن وزیر ءَ چارءُُ تپاسی دیوان ءَ تران کنان ءَ کتگ ات۔دیوان ءِ تہ منصوبگ بندی ءِ وزیر اسد عمر،وزیر برائے نیشنل فوڈ سیکیورٹی مخدوم خسرو بختیار،ھزانگ مشیر ڈاکٹر عبدالحفیظ شیخ، بیئپارءِ صلاحکار عبدالرزاق داؤد، ھاسیں کمکار برائے ھالرسانی ڈاکٹر فردوس عاشق اعوان،ہمگرنچیں بنجاہی سیکرٹریز ءُُ ٹوھیں افسراں بھرزوری کتگ۔دیوان ءِ تہ بنیاتی وردنی چیزمثلا گندیم،شکر،پٹاٹا،ٹماٹا،پیماز،روغن ءُُ دال ءِ نہادانی تہ گہبودی ءُُ ممکنہ حد تاں کمی آرگ ءُُ غریب مہلوک ءَ را ریلیف پھجارگ ءِ ھوالہ چہ لہتیں تجاویز ءِ سرا چار ءُُ بچار کتگ۔دیوان ءِ تہ پیسلہ کنگ بوتگ کہ صوبہ بنجاپ ءُُ خیبرپختونخوا ءِ صوبائی حکومت زوتءِ وڈ ءَ نہادانی تہ کمی ءِ ھوالہ چہ تجاویز ءِ سرا چار ءُُ بچار کن انت۔دیوان ءِ تہ پیسلہ کنگ بوتگ کہ گندیم ءِ طلب ءُُ رسد ءَ را پورا کنگ ءُُ نہادانی تہ گہبودی ءَ را سدکی جوڈ کنگ ءِ ھاترا سرکاری وڈ ءَ گندیم ءِ اے سال ءِ ٹارگٹ ءَ را دوبر کنگ بیت۔شکر ءِ نہاداں را سدکی جوڈ کنگ ءِ ھاترا پیسلہ کنگ بوتگ کہ شوگر ایڈوائزری بورڈ تھرڈ پارٹی ایویلیوایشن ءِ وسیلگ ءَ شکر ءِ نہادنی تعین کن ایت تنکہ سرکاری تبک ءَ شکر ءِ ریٹ ایر کنگ ءَ کمک رسیت۔میاں اوستمانی مارکیٹ ءِ تہ روغن ءِ نہادانی تہ بیوکیں مٹ ءُُ سٹ ءِ چماں کامرس ڈویژن ءَ را کڈنی دات کہ آں اسٹیک ہولڈرز ءِ شؤرءُُ صلاح ءَ گوں یک نوکیں طریقہ کار طے کنت تنکہ روغن میاں اوستمانی منڈیانی تہ نہادانی کمی ءِ پائدگ مہلوک ءَ را سر کنگ بیت۔دیوان ءِ تہ پیسلہ کنگ بوتگ کہ وزارتِ نیشنل فوڈ سکیورٹی، صعنت و پیداوار ءُُ کامرس وت مہ وتی شؤرءُُ صلاح ءَ گوں گندیم،شکر،دال ءُُ دگہ وردنی چیزانی امپورٹ ءُُ ایکسپورٹ ءِ ھوالہ چہ اسٹیمیٹ ءُُ لائحہ عمل سرا سفارشات پیش کن ایت۔مزن وزیر عمران خان ءَ دیوان ءِ تہ پیسلہ کتگ کہ مہلوک ءَ را ریلیف دیگ ءِ ھوالہ چہ بنیاتی وردنی چیزانی نہادانی تہ گہبودی ءُُ ایشی ءِ تہ ممکنہ حد ءِ تاں کمی آرگ حکومت ءِ اولی دلگوشی انت۔مزن وزیر ءَ گوشت کہ سمگلنگ ءُُ ذخیرہ اندوزی ءِ حوصلہ شکنی ءُُ گرودار ءِ سراھاسیں دلگوشی دیگ بوھگ انت۔مزن وزیر ءَ صوبائی حکومتءَ را کڈنی دات کہ گندیم ءِ نہادانی تہ کمی آرگ ءِ ھوالہ چہ تجاویز ءِ سرا زوتیں وڈ ءَ چار ءُُ بچار کنگ بیت تنکہ ایشی ءِ باقاعدہ جار جنئگ بیت۔