اقوام متحدہ ءِ سیکرٹری جنرل انتونیو گوتریس ءِ (نسٹ) ءِ تہ ”اقوام متحدہ ءِ امن مشنرءِ تہ پاکستان ءِ کردار،ءِ موضوع ءِ سرا سیمینارءَ گوں تران

اسلام آباد۔ 17 فروری (اے پی پی) اقوام متحدہ ءِ سیکرٹری جنرل انتونیو گوتریس ءَ اقوام متحدہ ءِ امن مشنز ھاترا پاکستانی دستہ ءِ کردءُُ ہزمت ءَ را خراج تحسین پیش کنان ءَ گوشت کہ پاکستانی حکومت ءِ امن ءُُ ایمنی سلامتی ءِ ھاترا وژن قابل قدرانت۔پاکستان ءِ یک لکھ 50ہزار ءَ چہ گیش ورناہاں امن مشنزءِ تہ ہزمت سرانجام داتگ ات۔اے ساعت ءَ 157ورناہاں وتی جان ندر کتگ ات۔آں دوشمبے ءَ نیشنل یونیورسٹی آف سائنسز اینڈ ٹیکنالوجی (نسٹ) ءِ تہ ”اقوام متحدہ ءِ امن مشنز ءِ تہ پاکستان ءِ کردار“ ءِ موضوع ءِ سرا سیمینارءَ گوں تران کنگ ات۔ سیمینار چہ ڈائریکٹر جنرل ملٹری آپریشنز میجر جنرل نعمان زکریا، نسٹ ءِ ریکٹر لیفٹیننٹ جنرل (ر) نوید زمان اور لیفٹیننٹ جنرل (ر) مقصود احمد ءَ ھم تران کتگ۔ سیکرٹری جنرل ءَ انتونیو گوتریس ءَ سیمینار ءَ گوں تران کنان ءَ گوشت کہ من ءَ پکر انت کہ امن مشنزءِ ورناہانی سنگت انت، نسٹ ءِ تہ گشتانک منی ھاترا پکر ءِ سبب انت۔آہاں گوشت کہ امن مشنز ءِ تہ کارکنوکیں افسرءُُ ورناہ ھاسیں کارءَ کنگ انت۔آہاں سائنسز اینڈ ٹیکنالوجی ءُُ تعلیم ءِ تک ءِ تہ نسٹ ءِ ہزمتءَ را ساڑان گوشت کہ نسٹ ءِ نودربروانگ ءُُ زانگ ءِ ھوار پائیدار دیمروئی ءِ ھاترا کار کنگ انت۔آہاں گوشت کہ پاکستان ءِ یک لکھ 50ہزار ءَ چہ گیش ورناہاں امن مشنرءِ ھاترا کار کتگ ءُُ امن مشنزءِ تہ کار کنان ءَ پاکستان ءِ157ورناہاں وتی جانانی ندرانہ پیش کتگ ات۔آہاں گوشت کہ پاکستانی افسراں امن مشنز ءِ تہ فرسٹ کمانڈر ءِ وڈءَ کار کنگ انت۔آہاں گوشت کہ نوکیں ٹیکنالوجی ءُُ سوشل میڈیا ءَ جنگ ءِ راھبند بدل کتگ ات، نوکیں امن ءِ دراھیں نوکیں چیلنجز امن ءِ دراھیں شراکت دار انی ھاترا ھاس انت۔ سیمینارءَ گوں تران کنان ءَ نسٹ ءِ ریکٹر لیفٹننٹ جنرل (ر) نوید زمان ءَ گوشت کہ مرکز بین الاقوامی امن ءُُ گہبودی ءِ تہ پاک فوج ءِ 30ہزار کارندہ ہیلکاری گپتگ ات، نسٹ ءِ تہ اے وھد ءَ 17 ہزار نودربر وانگ انت۔ لیفٹیننٹ جنرل (ر) مقصود احمد ءَ گوشت کہ امن مشنز ءِ تہ بازیں جیڈھ ءِ دیم چارگ بوھگ انت،اقوام متحدہ ءِ امن مشنرءِ تہ بدلی آرگ ءِ ضلورت انت۔