اسلام آباد۔ 17 فروری (اے پی پی)دری کارانی بنجاہی وزیر مخدوم شاہ محمود قریشی ءَ گوشت کہ پاکستان اوگانستان ءِ تہ امن ءُُ مفاہمتی کار ءِ ھاترا وتی شریں کوشستءَ برجاہ دارایت۔اے گپ آہاں امریکی ھاسیں نماھندگ برائے اوگانستان زلمے خلیل زاد ءِ گوما گپ ءُُ تران کنان ءَ کتگ ات۔آہاں دوشمبے ءَ دری کارانی کارگس ءِ تہ آہاں گوں گند ءُُ نند کتگ۔ایشی ءَ چہ پیسرءَ دری کارانی وزیر ءَ وزارت خارجہ آھگ ءِ سرا زلمے خلیل زاد ءِ ھیرمقدم کتگ۔گند ءُُ نند ءِ تہ دری کارانی وزیر ءَ گوشت کہ اوگان جیڈھ ءِ حل ءِ ھاترا پاکستان ءَ ھاسیں کرد ادا کتگ۔اوگانستان ءِ تہ امن ءُُ ایمنی ءِ کارءِ ھاترا پاکستان ءِ شریں کوشستءَ برجاہ دارایت۔شاہ محمود قریشی ءَ گوشت کہ اوگان باھوٹ ءِ باعزت واتری ءِ ھاترا مرحلہ وار،وسیلگ ءُُ وھد ءِ تعین ءِ سرا مبنی کوکا تیارکنگی انت۔زلمے خلیل زاد ءَ پاکستان ءِ نیمگا چہ اوگان باھوٹانی چار دھکاں چہ مہمانداری ءُُ امن ءِ کوشست ءَ را ساڑاتگ۔
