اسلام آباد۔ 17 فروری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ سول سروسز اٹی اصلاحات نیم صدی آن مروجہ فرسودہ نظام اٹی بدلی و پاکستان نا پوسکن آ روشنا آخبت کن اہم ءُ مزل نا نشان اس مریک، ترقی نا آب آتے بدل کننگا، نابودی نا حوصلہ شکنی واہلیت نا است بڈی مریک، بندغ آتا خوشنودی یا سیاسی خاہوت اسے نا خذمت گزاری ترقی نا آب مفک۔ دوشنبے نادے آ تینا ٹویٹ اٹی اوپارے کہ شونداری نا آب داسہ خواری، لائخی، السی خذمت و الس نا ویل آتا ایسر تون گنڈانن، آفیسر آتا ترقی داسہ اوفتا کارکڑدگی و السی خذمت تون گنڈوک ءِ، وزیراعظم عمران خان الس آریلیف نا کسر اٹ بروک آ غٹ اڑاند آتے مر کننگ ءِ، آفیسر آتے داسہ کارکڑد نا بنداو آ ترقی ملک۔ ڈاکٹر فردوس عاشق اعوان پارے کہ وزیراعظم عمران خان پاکستان تحریک انصاف نا منشور نا رداٹ سول سروسز اٹی اصلاحات اتنگ نا وعدہ ءِ پورو کرے۔ آفیسر شاہی نا تہہ ٹی جزا و سزا نا نظام ءِ اتنگ نا قوم اتون کروک آ وعدہ ایسر اسکان سرمسنے، ہراپرفارم کیک، اودے میرٹ نا رداٹ پروموٹ کینہ و پورو سپورٹ کینہ، پروموشن اٹی ہِننگ آن مست اوفتا کارکڑد نا جاچ ءِ ہلنگک۔ اوپارے کہ 20 سال سروس نا اسہ بنچ مارک اس جوڑ کننگانے، داوخت آن پد سرکاری ملازم آتا کارکڑد نا جاچ ءِ ہلنگک، مستعد سول سرونٹس ترقی کننگ کیرہ۔ سول سرونٹس ایکٹ 1973ء نا سیکشن 13نا رداٹ دا بدلی تے کننگانے۔
