اسلام آباد۔ 17 فروری (اے پی پی) بنجائی حکومت ملک اٹی کبینی نا زور ءِ کم کننگ کن اولیتی بنداو تیا گام گیج کننگ ءِ و اومیت ءِ کہ دا گام گیج آتیان افراط زر اٹی نمان کمتی مریک۔ وزارت ڈٹ بندی، شونداری و اصلاحات ملک انا غٹ صوبہ غاتے ٹی خولم، بورہ، نت، خوردنی تیل، پٹاٹہ، پیماز، دال آتون اوار 18 ضرورت نا گڑاتا نہاد آتا چاروکی ءِ کننگ نا بابت آن پورو معلومدار کرے۔ وزیراعظم نا پارت نا رداٹ کابینہ نا بروک آ دیوان اٹی وزیراعظم ءِ کنوئی آ گڑاتا نہاد آتے ٹی کمتی کن پین سلاہ و سوج پیش کننگک۔ دا بابت اڈ ہلوک آ دیوان آن تران کرسا بنجائی وزیر ڈٹ بندی، شونداری و اصلاحات اسد عمر پارینے کہ وزیراعظم عمران خان نا ولیت اٹی الس ءِ کنوئی آ گڑاتے اڑزان نرخ آتیا فراوان کننگ ءِ۔ اوپارے کہ حکومت خور انا نہاد آتے ٹی کمتی اتنگ کن ہر وڑگام گیج کننگ ءِ۔
